Tui, un dos destinos preferidos dos turistas que chegan ao sur de Galicia

Tui é un dos destinos preferidos polos turistas que pasaron no pasado mes de xuño polo sur de Galicia. Así o amosan as máis de cinco mil persoas que pasaron pola Oficina Municipal de Turismo de Tui. Esta cifra case duplica a rexistrada no mesmo mes de 2016 cando se achegaran a este servizo 2.684 persoas, e supera en máis de 2.800 as consultas recollidas en 2015 no mismo período. Só nos últimos tres meses, de maio a xuño, esta oficina atendeu a máis de 16.300 persoas.

Do total de 5.046 persoas que en xuño se achegaron a demandar información ata esta oficina situada na Praza de San Fernando 3.119 eran turistas e 1.927 foron peregrinos. Entre os turistas 2.617 eran españois e 502 estranxeiros. Mentres nos peregrinos os máis numerosos foron os peregrinos estranxeiros, 1.514, fronte aos nacionais, 413, os que se achegaron até a oficina de información turística.

Másnoticias

Operación de película en plena A-55, la Guardia Civil rescata en marcha a un conductor

09/05/2025

Las Rías Baixas se consolidan como el mejor destino de playa con este premio nacional

08/05/2025

En canto ao lugar de orixe no turismo nacional Madrid, Barcelona, A Coruña, Valencia, Pontevedra e Valladolid foron as provincias das que se rexistrou maior número de consultas, mentres que entre os estranxeiros houbo consultas de até 20 nacionalidades, principalmente de Portugal, Francia, Italia, Arxentina, Alemaña e Reino Unido.

Por outra parte os peregrinos estranxeiros foron os que máis consultas realizaron, 1.514, chegados principalmente de Portugal, Alemaña, EEUU, Italia e Francia. Mentres houbo 413 demandas de información de peregrinos nacionais que tiñan coma orixe Madrid, Valencia, Barcelona, Ávila e Alacante.

Cal é a interese dos turistas en Tui?

No caso dos turistas ao achegarse á Oficina Municipal de Turismo interésanse polos puntos a visitar coma o conxunto histórico, a ruta xudía, patrimonio, ou os espazos naturais, así coma pola gastronomía local. No caso dos peregrinos demandan información sobre aloxamentos, o trazado do camiño até Santiago, e tamén sobre que visitar na cidade.

Horario e ubicación da Oficina Municipal de Turismo de Tui

A Oficina Municipal de Turismo está situada na Praza de San Fernando, a carón da Catedral. O seu horario é de luns a domingo de 9:00 a 13:20 horas e de 16:00 a 20:20 horas. Mentres na Praza da Inmaculada, xunto ao Paseo da Corredoira, está situado o Punto de Información Turística que abre de luns a venres de 9:00 a 13:20 horas.