Bueu busca aos trobadores do século XXI con cantigas de amor, escarnio e maldicir

A poesía e os produtos locais serán protagonistas do obradoiro de poesía que impartirá a poeta Míriam Ferradáns no lugar de Sanamedio, en Bon, e que hoxe se presentou nun acto no que estiveron presentes a poeta de Bon e o concelleiro de cultura, Xosé Leal.

Segundo salientou o Leal, o obxectivo desta actividade, que se celebrará os días 12 e 26 de maio de 11 a 13 horas, é “poñer en valor a creación literaria das mulleres en Bueu”. Así, nesta primeira edición, o protagonismo recaerá en Míriam Ferradáns e nas cantigas de amor, escarnio e maldicir, que tiveron moita importancia na figura de Xohán de Cangas. Así mesmo, o acto reivindica o Pergamiño Vindel, rendendo homenaxe a un dos lugares de referencia destas cantigas.

Másnoticias

Dimite el coordinador de Cultura del PPdeG por la "incompetencia" del conselleiro López Campos

19/11/2024

Moaña despedirá noviembre con una "Feira de Nadal" solidaria con mercadillo, música y comida

17/11/2024

Pola súa banda, a poeta Míriam Ferradáns apuntou que se trata duns obradoiros que terán unha primeira parte de aproximación teórica e outra de práctica a través da creación, cunha metodoloxía de aprendizaxe “moi lúdica e divulgativa, para achegarse ao que podían sentir os trobadores”. Sen dúbida, será unha boa forma de aprender, ao tempo que se visibiliza o impacto dos produtos locais como fonte de cultura popular.

As persoas que desexen participar, recoméndase que teñan máis de 16 anos, e deberán inscribirse previamente a través do correo electrónico [email protected] ou no teléfono 986324338.