Bueu busca cartel para o seu Entroido

O Concello de Bueu convocou este xoves o Concurso de Carteis do Entroido, no que poderán participar todas as persoas maiores de 16 anos cun máximo de tres obras orixinais e inéditas. O deseño gañador será o seleccionado para o cartel da programación do Entroido de Bueu nesta edición.

Entroido 2018: Toda a información sobre unha das festas do ano en Galicia

Másnoticias

Detenido un hombre por robar hasta las ventanas y los grifos de una vivienda en Moaña

22/08/2025

Una playa de las Rías Baixas se convierte en un cine gratuito para disfrutar de lo mejor del séptimo arte

21/08/2025

As bases, que se poden consultar na web municipal, foron aprobadas hoxe por resolución da alcaldía e establece que o prazo de entrega de orixinais remata o 2 de febreiro ás 14.00 horas. Establecerase un único premio cun importe de 300 euros, e para a valoración do xurado teranse en conta criterios como a calidade técnica e artística, o impacto visual, a creatividade e a orixinalidade.

As persoas que desexen participar poden empregar a técnica artística que consideren máis axeitada, tales como a pintura, a ilustración, a fotografía… Os traballos entregaranse ou persoalmente ou por correo postal no Rexistro Xeral do Concello.

O ano pasado a gañadora foi a pontevedresa Isabel Núñez Montero, quen presentou un deseño con moito dinamismo da imaxe, o humor e sobre todo a composición e a forza visual que expresaba plenamente o espírito do Entroido bueués.