Formación en tempos de confinamento: Moaña ofrece cursos en liña de balde

Aproveitar o confinamento para poder mellorar as nosas aptitudes online. Con esta premisa, o Concello de Moaña, a través da concellería de Mocidade, está a ofrecer diferentes cursos en modalidade de videoconferencia para a a mocidade, pero tamén para o público en xeral.

A través da Aula CeMit, os cursos contarán cunha duración máxima de cinco horas repartidas entre dous e tres días, en función da formación elixida. O prazo de inscrición comezou o venres 24 de abril.

Másnoticias

La magia azul del mar de ardora ilumina la Ría de Vigo en un espectáculo: "Nunca la vi tan intensa"

27/10/2025

Cangas se transformará con una tenebrosa "escape room" al aire libre por Samaín

26/10/2025

As opción de formación están centradas en aplicacións informáticas relacionadas coa ofimática, a edición de vídeo, tanto básica como avanzada ou coa creación de contidos audiovisuais.

A formación será impartida polo docente da Aula CeMIT de Moaña vía videoconferencia e mediante videoaulas, as cales estarán dispoñibles para que calquera persoa inscrita nos cursos poida acceder á formación en calquera momento.

As persoas que desexen inscribirse, deberán facelo a través da páxina web cemit.xunta.gal ou a través do número de teléfono 616.804.107.

“Coas aulas presenciais rematadas no ensino medio, é importante que a mocidade teña actividades alternativas e de formación adaptadas aos seus intereses, polo que esta iniciativa é necesaria nas condicións de excepcionalidade na que vive toda a poboación”, explican dende o Concello.

Os cursos poden consultarse nesta ligazón. O Concello ofrece cursos de "automatización da empresa coa folla de cálculo", "edición de vídeo", "edición de vídeo avanzado", "creación de proxectos con Google Slide" e "ferramentas online para a creación de contidos", os dous últimos pensados para a mocidade.