Se eres un apaixoado do rally, este curso é para ti

O Concello de Nigrán, a través da Oficina Municipal de Información Xuvenil, organiza o seu primeiro curso “Copilotaxe de Rally”, que será impartido polo piloto local Ezequiel Salgueiro. Este desenvolverase en dúas xornadas, o venres 28 de setembro de 16:00 a 20.00 horas para abordar os contidos teóricos básicos, e o sábado 29 de 10.00 a 14.00 horas para por en práctica as ensinanzas teóricas nun tramo de probas, con piloto e instructores.

O curso dispón dun total de 16 prazas e está dirixido a empradoados en Nigrán con idades comprendidas entre os 16 e 35 anos. Estas prazas cubriranse por orde de inscrición reservando sempre un 50% para mulleres e o outro 50% para homes.

Másnoticias

Vuelve a Nigrán el festival de percusión con conciertos, talleres y artesanía

04/09/2025

Nigrán invita a una "mágica tarde en la que las voces y la música serán las grandes protagonistas"

04/09/2025

As persoas interesadas poderán inscribirse dende o día 12 ata o día 25 de setembro, para o que deberán descargar o formulario de inscrición da páxina do Facebook Concello de Nigrán e envialo ao seguinte enderezo omixnigran@nigran.org xunto cunha copia do DNI e autorización da nai, pai ou persoa responsable da ou do menor (necesaria únicamente para persoas de 16 a 17 anos). En caso de non dispoñer de Facebook o interesado pode solicitar a documentación tamén a través do mail omixnigran@nigran.org. Para mais información poden dirixirse aos teléfonos 986383081/661377343.