A alcaldesa de Mos sobre a Cidade Deportiva do Celta: “Ladran Sancho, señal de que cabalgamos”

“Ladran Sancho, señal de que cabalgamos”. A célebre frase de El Quijote foi a resposta que a alcaldesa de Mos, Nidia Arévalo, deu á información na que se asegura que “unha demanda pon en risco a Cidade Deportiva do Celta en Mos”. A rexedora mosense desminte con rotundidade esta afirmación “porque a clasificación do solo no que se ubicará a Cidade Deportiva é a mesma con Plan Xeral ou sen el”.

Arévalo explicou esta mañá que “a Cidade Deportiva do Celta en Mos nunca estaría en perigo” xa que a demanda obxecto de polémica é un recurso particular á orde de aprobación definitiva da Xunta de Galicia dun empresario do Polígono do Rebullón que co novo Plan Xeral de Mos queda fóra do termo municipal mosense e pasa a pertencer a Vigo e ao que lle interesaría pertencer a Mos porque polas normas de Vigo os terreos das súas naves atópanse en solo rústico.

Másnoticias

El PP exige dimisiones tras la manipulación de una foto eliminando a su portavoz en Salceda

01/11/2025

Éxito de público en el arranque de D'Gusta Porriño, la ruta de tapeo más emblemática del área

01/11/2025

A alcaldesa insiste en que os límites aprobados polo Concello de Mos no PXOM son os marcados polo Instituto Xeográfico Nacional (IGN). Nidia Arévalo declarou a este respecto que “nós nos mativemos nos límites marcados polo IGN a pesar de que nos perxudicaba, perdendo superficie de terreos en beneficio do Concello de Vigo. Resulta polo tanto dobremente agraviado o Concello de Mos, por un lado porque perde territorio e por outro pola mencionada demanda”.

A propia Xunta de Galicia xa lle contestou ao particular demandante defendendo, literalmente, “a legalidade do PXOM de Mos” e aportándolle precedentes xurídicos de que non existen motivos para a nulidade do Plan, ademais de que a modificación que alega e esixe “non é unha modificación substancial”.

Os terreos afectados do particular denunciante que pasan a estar en territorio de Vigo co novo PXOM mosense son 60.000 metros cadrados que supoñen o 0,09% da totalidade do territorio do Concello de Mos.

Nidia Arévalo rematou informando de que o Concello de Mos está a preparar a súa contestación ao recurso, xa que todavía está en prazo. E respecto do tema do deslinde, declarou que “é un asunto independiente ao do PXOM, está en trámite cos concellos de Vigo, Porriño, Redondela e Ponteareas”.