A Corre X Salceda convértese nunha festa do deporte virtual cun carácter benéfico

Este domingo, 3 de maio, debería celebrase no Concello de Salceda a sétima edición da “Corre X Salceda”, a carreira que cada ano congrega no municipio a máis de 800 deportistas de tódalas idades. Sen embargo, nesta ocasión, o confinamento manda, pero dende o Concello de Salceda non están dispostos a renunciar á súa proba deportiva máis destacada, polo que veñen de lanzar unha innovadora iniciativa, que deron en chamar “Corre X Salceda, edición virtual contra o coronavirus”. E é que a carreira tiña cada ano un fin solidario, fin que se máis preciso que nunca nestes momentos.

Así pois, dende o Concello e dende as Escolas Deportivas, coa colaboración de diversos clubes deportivos do municipio organízase unha proba virtual deportivo-solidaria para recadar fondos para o Programa de Alimentos do Concello de Salceda de Caselas destinados integramente a mitigar os efectos da pandemia do COVID19. O reto é que as persoas que queiran participar suban imaxes (fotos ou vídeos) ás redes sociais facendo deporte (calqueira deporte), mencionando a Corre X Salceda edición virtual e usando o hashtag #DeporteNacasa. O prazo para facelo vai dende o domingo 3 ata o domingo 10 de maio ás 14:00 horas.

Másnoticias

Fuegos de Bouzas, verbeneo, gastronomía y mucha música para un finde de diez en Vigo y área

18/07/2025

Salceda anuncia una traca cultural con 20 eventos en tan solo 15 días de julio

03/07/2025

Pero o importante da proba é tamén o seu fin solidario, para o que tódalas persoas que desexen participar deberán inscribirse na plataforma de Championchipnorte (preme aquí), facendo unha aportación solidaria dun mínimo de 2 euros, coa que participarán tamén o día 10 no sorteo de diferentes agasallos: dorsais para carreiras ou camisetas.

Salceda pon en marcha deste xeito unha iniciativa pioneira en tempos de confinamento, co convencemento de que servirá ademais para darlle un importante pulo ao programa de alimentos municipal, que dende o inicio da pandemia case viu duplicadas as familias ás que presta atención.

O concelleiro de Deportes, Rubén González, quixo agradecer de xeito especial a implicación e colaboración dos diferentes clubes e deportistas de Salceda, que dende o primeiro momento amosaron a súa boa disposición e as súas ganas de colaborar nesta novidosa proba.

Pola súa banda, Loli Castiñeira, alcaldesa de Salceda destaca que o municipio "sempre destacou polo seu dinamismo social, e esta proba é unha boa mostra. Animamos a salcedenses e a veciñanza doutros municipios a que se sumen e se animen a participar nesta iniciativa solidaria, moi importante nos complicados momentos que estamos a vivir”.