Mos homenaxea a Rocío Blanco, a mellor deportista de ciclocross de Galicia

A ciclista mosense Rocío Blanco Carrera foi homenaxeada este martes, 7 de xaneiro, no Concello de Mos polos seus recentes títulos de Campioa Galega de Ciclocross Máster 2019 e da Copa Galicia de Ciclocross 2019 na categoría Máster-30. Blanco, de 38 anos, veciña mosense natural da parroquia de Guizán e residente en Torroso, vén de gañar, o pasado 29 de decembro, o Campionato Galego de Ciclocross 2019 Categoría Máster, que se celebrou no velódromo do Porriño.

O caso de Rocío Blanco é paradigmático. Estréase no ciclocross cun ouro no campionato galego tras practicalo soamente dende fai un ano. Amais, esta mosense practica ciclismo dende fai soamente cinco anos. A propia Rocío conta que antes de subirse á bicicleta practicaba atletismo cun grupo de compañeiros. Serían eles, tamén afeccionados á bici, os que a animaron a sumarse a este deporte ao que non tardou moito en “engancharse”.

Másnoticias

Arranca en O Porriño la gran fiesta de época que emula unos Juegos Olímpicos entre civilizaciones históricas

25/07/2026

"Revolución urbana" en el área de Vigo, Mos presenta "el nuevo Puxeiros", con más verde y 240 viviendas

25/07/2026

O mérito de Rocío non se queda en erixirse Campioa Galega nunha competición na que participaba por primeira vez. O desta mosense é un exemplo de esforzo e conciliación da vida familiar, laboral e deportiva. Como moitos deportistas, Blanco combina o seu traballo, por quendas nunha fábrica do Porriño, cos adestramentos no seu tempo libre tres ou catro días á semana.

Esta Campioa Galega corre no equipo ciclista Budiño Bike e, ademais de gañar o Campionato Galego de Ciclocross 2019 en Categoría Máster, ven de gañar tamén a Copa Galicia de Ciclocross 2019 en Categoría Máster-30. As dúas últimas carreiras desta competición disputounas os pasados días 4 e 5 de xaneiro. O sábado 4 correu en Verín e o domingo, día 5, en Maceda.

O vindeiro sábado, 11 de xaneiro, participará no Campionato de España de Ciclocross que se disputará en Pontevedra e, sobre os posibles resultados no mesmo, Blanco Carrera declara estar “á expectativa, posto que en carreira nunca se sabe o que pode pasar”.