Nigrán constrúe unha pista de atletismo homologada e un parque de skate en Porto do Molle

O Concello de Nigrán iniciou esta semana as obras para construír a primeira pista de atletismo homologada na comarca e un parque de skate, instalacións que estarán rematadas antes de que finalice o ano. Este novo complexo deportivo, que estará completamente integrado na paisaxe, sitúase en 18.000 metros cadrados da zona verde destinada a uso deportivo de Porto do Molle e forma parte do proxecto de acondicionamento das marxes do río Muíños e que ten un orzamento de 510.000 €.

A pista de atletismo, a primeira en Nigrán, contará con catro rúas para competir en carreiras de 400 metros e tamén estará habilitada para as probas de velocidade con 115 metros. A superficie será de pavimento sintético de poliuretano e caucho, permeable sobre base de aglomerado e recheo drenante. A maiores, a instalación contará con dúas rúas exteriores en balastro natural para velocidade e carreira e, no interior, salto de altura con 15 metros de zona de impulso, salto de lonxitude e triple salto. Terá tamén zona de lanzamentos.

Másnoticias

Un nuevo proyecto recuperará dos viviendas marineras de Baiona para convertirlas en alojamientos

27/08/2025

Baiona se engalana para acoger una gran ópera en homenaje a Montserrat Caballé y Luciano Pavarotti

27/08/2025

Prácticamente anexo, nun espazo de 53x16 metros, estará o skate park con diferentes elementos para os skaters (en concreto, terá wave, quarter, wave invertido, funbox e spine). Toda a nova instalación deportiva estará nun recinto pechado con iluminación artificial e ao seu carón (tamén a piques de comezar a obra contemplada no mesmo proxecto) haberá unha zona de recreo infantil e familiar con elementos de recreo como columpios, tirolina, circuito de bicicletas BMX….

Os traballos nas marxes do río Muíños buscan devolver o equilibio natural o río facendo del un espazo fluvial de referencia en Galicia dende o punto de vista paisaxístico, ambiental, e incluso técnico, xa que para a súa recuperación se aplicarán solucións de drenaxe sostible pioneiras na comunidade.

As obras comprenden 300.000 metros cadrados nos máis de 2 km de curso medio en Porto do Molle e 3 no río Nespereira, contemplando dende á revexetación das súas ribeiras con técnicas de bioenxeñaría novidosas á creación de espazos de bosque natural (non sempre transitable) ou a instalación de bandas de protección nas marxes e creación de pendentes naturais.