“Vigo, o novo Lepe?” Esta é a pregunta que nos últimos días vemos espallada en carteis que cobren diferentes partes da cidade. No pé dese enigmático interrogante, un nome: CAÍN. Son as siglas do Colectivo de Admiradores da Iluminación do Nadal. Unha mensaxe irónica. Pura retranca.
"Xorde da man de persoas vencelladas ao mundo da cultura que decidimos poñer en común o desfeito absoluto e intencionado da administración municipal sobre todo o que xira en torno á cultura". Así o explica un dos membros de CAÍN, unha entidade que prefire actuar de forma colectiva evitando individualidades. Queren que a súa denuncia sexa a súa mensaxe, ao máis puro estilo Banksy.
Precisamente, para este novo movemento "o alumeado de Nadal é o buque insignia de todo un despropósito", argumentan dende CAÍN ao entender que "cos cartos do alumeado pódense facer moitas outras cousas non só a nivel cultural, senón tamén a nivel social". Esta acción non é un ataque frontal a festa do Nadal. O obxectivo, aseguran, é resaltar que "os poderes públicos teñen que ser moi responsables e non ofrecer unicamente circo".
Con esta idea, CAÍN, xunto a outros catro colectivos citou o pasado venres á cidadanía nun acto público de debate no IES Politécnico. Co evento, buscábase artellar unha acción colectiva coa que propoñer outra forma de xestionar a cultura. A cita foi "un éxito histórico", destacan. "Dende os oitenta non houbo unha reunión de tanto calado a nivel de protesta social en torno á cultura". Porén, o encontro non buscaba só a denuncia, senón que tamén se quería propoñer e demostrar que "non son soamente catro iluminados elitistas que protestan".
Agora o movemento avanza para "espallarse traballando con outros colectivos e levar adiante diferentes proxectos que axudarán a difundir a realidade social e cultural da cidade, así como propoñer fórmulas máis participativas e xustas".
É Vigo o novo Lepe? CAÍN pon sobre a mesa un debate co que busca "non deixar indiferente a ninguén e remover conciencias para que a xente reflexione sobre que cidade quere".
Ikea ha anunciado un nuevo espacio en Vigo con muchas novedades en la ciudad. Decoración, su nueva colección y la línea Ikea Food
Tres responsables del astillero Cardama de Vigo se enfrentan a prisión. El juicio se refiere al accidente laboral mortal ocurrido en 2022
Este proyecto de Tomiño supondrá la puesta en valor de joyas patrimoniales como la iglesia románica, el Tetón o la Torre de Tebra
En un barrio de Vigo donde las luces navideñas no llegan, unos vecinos han decidido organizar su propio encendido
El acuerdo llega después de que el Celta amenazara las titulaciones públicas avanzando un acuerdo con una universidad privada vasca
No hay eventos
Puedes encontrarnos en nuestras redes sociales o, si lo prefieres, ponerte en contacto con nosotros a través de contacto@metropolitano.gal
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL