Ana Pontón: "Empeza a conta atrás para que Galicia teña un goberno liderado polo BNG"

A líder dos nacionalistas galegos, Ana Pontón, asegurou que este venres, día no que o presidente da Xunta, Alberto Núñez Feijóo, presentou a súa dimisión na Cámara galega, "empeza a conta atrás para que Galicia teña un goberno liderado polo BNG". "Teño o convencemento de que estamos ante un cambio de ciclo que empezou a noite electoral do ano 2020, un cambio de ciclo no que o Partido Popular representa o pasado e o BNG representa o futuro, e isto teno moi claro o PP, porque Feijóo é o primeiro en abandonar o barco en Galicia", asegurou Ana Pontón nunha rolda de prensa ofrecida este venres na Cámara galega.

Na súa comparecencia despois de Feijóo trasladase a súa dimisión ao titular do Parlamento de Galicia, Miguel Santalices, Pontón asegurou que o BNG representa un "futuro mellor" para Galicia, que se "merece algo máis que un goberno que deixa a Galicia en peores condicións das que atopou en 2009".

Másnoticias

Galicia activa la alerta nivel 1 por calor en Vigo y el sur de la provincia de Pontevedra por máximas de 40º

02/08/2025

Vía libre al túnel de Porta do Sol de Vigo al Barrio do Cura, la Xunta aportará 17,8 millones de euros

01/08/2025

"Sentimos nas rúas, sentimos no contacto que temos coa sociedade que Galicia ten ganas de cambio, ganas de deixar atrás estes anos de desastre do goberno do PP e o BNG aspira, desde a humildade pero con toda a ambición de país, a liderar ese cambio e a darlle un futuro mellor a todas as persoas que viven en Galicia", sinalou.

Neste sentido, deixou claro que o BNG vai "a por todas" para "disputarlle a maioría ao PP". "Porque queremos que Galicia teña un goberno que lle diga si a este país, un goberno cuxa única razón de ser sexa a defensa dos intereses dos galegos e das galegas", dixo Pontón. "Este é o meu compromiso e o compromiso de todo o BNG, imos dar o mellor de nós para conseguilo desde a humildade e desde a ambición de país", afirmou.

Na rolda de prensa e pregunta sobre se considera que se debería convocar un adianto electoral após a marcha de Feijóo, Pontón sinalou que ela "non" ten a facultade, "de momento", para convocar eleccións, unha cuestión que lle corresponde ao presidente da Xunta.

Con todo, considerou que "é evidente que o PP non convoca hoxe eleccións porque sabe que esa maioría estaría moi difícil". "Sabe que hai unha tendencia moi clara que non só vemos nas enquisas, senón que palpamos e sentimos na rúa e é que o PP baixa e o BNG é a forza política que sobe, a forza referencial para darlle un cambio real a este país", sostivo. "Por tanto, xogar co que nos gustaría é un exercicio que se pode facer, pero a min gústame ter os pés na terra", afirmou a líder do Bloque.