Arredor de 450 persoas concentráronse no Rosal para denunciar a "precaria situación da atención primaria"

Arredor de 450 persoas se achegaron o pasado mércores 8 á Praza do Calvario do Rosal para secundar e participar na concentración convocada pola Plataforma para a Defensa da Sanidade Pública do Rosal e polo Concello para denunciar unha vez máis a actual e precaria situación na que se atopa a atención primaria no municipio, que foi quedando sen servizos cos que prestar unha asistencia sanitaria digna e de calidade a toda a veciñanza.

“Fixéronse mobilizacións, recolléronse sinaturas, conformouse esta plataforma na que estamos todos os grupos políticos municipais e o tecido asociativo e persoal sanitario e eu creo que debemos seguir sumando moitas máis persoas a esta reivindicación, sempre dende a democracia e entendendo que non podemos deixar que nos quiten este dereito e poñan en risco as nosas vidas”, salientou a alcaldesa, Ánxela Fernández Callís.

Másnoticias

Galicia cataloga 196 "tesoros" en la costa del área de Vigo para facilitar su recuperación con nuevos usos

28/10/2025

La muralla medieval que resurge con el proyecto de reforma de una plaza en Tui

26/10/2025

Nestes intres a falta de persoal e de cobertura de baixas e vacacións deixou ao centro de saúde do Rosal sen ningún médico de atención primaria, polo que non están abertas as axendas e non se pode solicitar ningunha cita médica para consulta. Esta realidade fai que no centro de saúde soamente se atendan urxencias con médicos de garda que van cambiando cada xornada.

Outra das carencias do servizo sanitario está na falta de matrona e de pediatra, que se desprazou á Guarda de forma temporal pola crise sanitaria e que aínda non se recuperou. O mesmo ocorre co consultorio de San Miguel de Tabagón, pechado pola Consellería de Sanidade dende comezos da pandemia sen perspectiva de que se lle dote do persoal e do material necesarios para reactivar a súa actividade.