As bibliotecas centrais da UVigo comezan esta fin de semana cos seus horarios especiais
Coa finalidade de facilitarlle ao estudantado a preparación dos exames do segundo cuadrimestre e tamén das probas de avaliación da segunda convocatoria, a Biblioteca Universitaria comezará esta próxima fin de semana cos seus horarios especiais, que se estenderán ata o domingo 14 de xullo.
Por unha bançda, as bibliotecas centrais dos campus de Vigo, Ourense e Pontevedra e a biblioteca de Torrecedeira terán deste este 27 de abril horarios especiais nas fins de semana, estando abertas entre as 09:00 e as 21:00 horas, tanto os sábados como os domingos. Ademais, terán os mesmos horarios os festivos do 1 e do 17 de maio e, en Pontevedra, o festivo local do 11 de xullo.
No que atinxe ás aperturas nocturnas, as bibliotecas centrais dos campus de Ourense e Pontevedra e a biblioteca de Torrecedeira ampliarán o seu horario ordinario ata a 01:00 horas de luns a venres, agás festivos, dende o 29 de abril ata o 28 de xuño. No mes de xullo, dende o día 1 ata o 12 de xullo, o horario nocturno rematará ás 00:00 horas.
Durante estes horarios nocturnos e de fin de semana, as bibliotecas só prestan un servizo de espazo de estudo, pero non outros servizos ordinarios como préstamo, préstamo interbibliotecario, acceso a recursos electrónicos etc.
Ademais, entre o 1 e o 12 de xullo e coincidindo co período de redución da xornada laboral nos meses estivais, ampliarase o horario ordinario ata as 21:00 horas de luns a venres, agás festivos, nas bibliotecas centrais dos campus de Vigo, Ourense e Pontevedra e a biblioteca de Torrecedeira.
As demais bibliotecas, con horario habitual
O resto das bibliotecas dos campus (facultades de Belas Artes, Ciencias Económicas e Empresariais, Ciencias Xurídicas e do Traballo, Filoloxía e Tradución, Enxeñaría Industrial-Minas, Enxeñaría de Telecomunicación e edificio de Ciencias Experimentais) continuarán co horario habitual de 08:30 a 20:45 horas.
Agenda
Más noticias
atlanTTic celebra o seu 15º aniversario poñendo en valor a súa traxectoria e proxección de futuro
Os seus tres directores realizaron un percorrido polos principais fitos do centro - O conselleiro de Educación e o reitor da UVigo presidiron o acto
Somos metropolitanos. Somos el digital de referencia en Vigo y su área metropolitana. No te pierdas nada. Todas las noticias de Vigo y su área: cultura, planes, deporte...
Toda la actualidad de Vigo y su área, gratis en tu WhatsApp
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal