As Neves vén de instar ao grupo Abanca que reconsidere a súa decisión de abrir soamente dous días á semana a súa oficina no municipio. O goberno municipal denuncia que se están a producir aglomeracións e colas derivadas de esa decisión que fan que sexa "moito máis difícil cumprir coas medidas sanitarias e que causan que calquera xestión tarde máis dunha hora, algo que non se produciría se a sucursal abrise os cinco días laborais da semana".
O Concello amosa así “o seu desacordo total” coa decisión da dirección da oficina de Abanca de non abrir ao público de luns a venres e seguir atendendo ás veciñas e veciños que son clientes desta entidade só dous días á semana.
De xeito reiterado, dende o inicio do 'Estado de Alarma', o propio alcalde da localidade, Xosé Manuel Rodríguez, contactou cos responsábeis de Abanca para que se modificaran os días de apertura, facéndoos coincidir cos días de mercado e insistindo tamén para que a apertura se estendese aos cinco días da semana.
A dirección da oficina non amosou disposición algunha de modificar a situación actual, algo que o Concello considera inxustificado, considerando que hai outra entidade financeira nas Neves que si abre os cinco días da semana e, ademais, un menosprezo ás veciñas e veciños e un agravio con respecto a outros concellos nos que Abanca si atende nas súas oficinas de luns a venres.
Dende o Concello lémbrase que estamos diante dun servizo moi necesario, aínda máis atendendo á tipoloxía da poboación das Neves, o que non fai factible remitir aos seus clientes á “banca electrónica” ou ao caixeiro automático.
Por todo isto, o goberno municipal insta aos responsábeis de Abanca a adaptar as instalacións da oficina das Neves para que cumpran coas medidas hixiénico sanitarias establecidas e a abrir ao público de luns a venres no seu horario habitual.
Casi 200 escolares participaron en la iniciativa "Operación Ola". Una propuesta que les llevó a practicar surf en la playa de Patos
El pleno aprobó la rehabilitación, por 25.000 euros, de la antigua escuela unitaria de Chandebrito. Estos son los trabajos que se harán
"Gloria e Olvido" se está grabando estos días en la provincia de Pontevedra. Un filme con caras conocidas como la de Antonio Resines
La Fiscalía también pide para Padín inhabilitación por un periodo de 13 años para la profesión de patrón de barco
El vigués Jorge Lens, premiado en un certamen de fotografía urbano promovido por PhotoEspaña. En una convocatoria cerca de 2.500 imágenes
No hay eventos
Puedes encontrarnos en nuestras redes sociales o, si lo prefieres, ponerte en contacto con nosotros a través de [email protected]
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL