O BNG de Mos vén de denunciar o “gasto desmedido e o descontrol” na xestión económica do Concello de Mos que derivou na acumulación de facturas sen pagar por un importe próximo ao millón de euros. A situación obrigou ao goberno do PP a solicitar este luns, no pleno municipal, un recoñecemento extraxudicial de crédito de 917.973,34 euros, unha cifra coa que se pretende afrontar o pagamento de centos de facturas de exercicios anteriores.
O portavoz do BNG, Gustavo Barcia, cre que esta operación é consecuencia da “nefasta xestión do goberno de Nidia Arévalo”, pero optou pola abstención na votación “para non deixar a autónomos e pequenas empresas sen cobrar durante meses ou mesmo anos por culpa da irresponsabilidade do Partido Popular, que contrata obras e servizos sen contar con crédito orzamentario”.
O portavoz nacionalista no Concello lembrou no pleno que o recoñecemento extraxudicial de crédito é “unha figura extraordinaria pensada para pagar facturas que non tiveron consignación nos orzamentos e que están ligadas a gastos sobrevidos, como por exemplo unha emerxencia”. Na súa opinión, esta solicitude “compromete a estabilidade económica do Concello”, xa que o montante de boa parte das facturas impagadas dos anos 2018 e 2019 irá a cargo dos orzamentos de 2020.
BNG presentou unha alegación ao orzamento municipal, aprobado en novembro de 2019, xa que a previsión de ingresos non se axusta, segundo denuncian, á realidade do padrón municipal.
O orzamento contempla unha recadación de 1.900.000 euros en concepto de IBI urbana, cando no 2019 esta cifra foi de pouco máis de 1.500.000 euros. O incremento para este ano debería ser, en consecuencia, do 25%, unha cifra que Gustavo Barcia considera “ totalmente inxustificada e irreal”. A pesar desta advertencia, o goberno de Nidia Arévalo rexeitou no pleno a alegación do BNG.
Guillermo Lago, de Redondela y con 18 años recién cumplidos, luchará ahora por ser el hombre más guapo del mundo en 2026
El llamado Muíño do Vento se transformará para crear un espacio de encuentro con una nueva plaza pública con zonas de agua
Avempo hace un balance positivo de la prueba popular y agradece el gran apoyo social recibido por las vecinas y vecinos de Vigo
El Concello de Tui adaptará el proyecto de reforma de Praza da Estrela ante el hallazgo de importantes restos arqueológicos
A Universidade de Vigo participou nas feiras Study in Spain celebradas nas cidades de San José, Bogotá e Lima
Puedes encontrarnos en nuestras redes sociales o, si lo prefieres, ponerte en contacto con nosotros a través de contacto@metropolitano.gal
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL