Os socialistas de Baiona presentaron o pasado domingo a súa candidatura para as eleccións municipais do 28 de maio, nun acto aberto aos veciños e veciñas da vila celebrado na Virxe da Rocha. O acto, nun ambiente festivo e moi participativo, contou coa presenza da presidenta da Deputación de Pontevedra, Carmela Silva, e doutros cargos provinciais e autonómicos do partido.
Na súa intervención, o alcalde e candidato á reelección, Carlos Gómez Prado, anunciou a nova de que “Baiona recibirá 2,1 millóns de euros para revitalizar o noso casco vello, que se unen aos outros 2,1 millóns que obtivemos o ano pasado para a humanización da contorna de Santa Liberata; máis de catro millóns de euros para esa zona de vila”.
Gómez Prado lamentou “o voto en contra por parte da Xunta de Galicia e o PP, que non queren agora mesmo investimentos para Baiona, eles deberán explicar o motivo”. O concello obtivo os fondos para este proxecto municipal grazas aos votos a favor do Ministerio de Industria e a Fegamp.
Con respecto a este tema, Carmela Silva destacou “a cantidade de millóns de euros de fondos europeos que obtivo neste mandato o alcalde de Baiona; non é nada fácil conseguilos, se chegan é porque os proxectos presentados polo concello son moi bos”.
Carlos Gómez Prado garantiu “catro anos máis de traballo e lealdade” para continuar “coa transformación que puxemos en marcha”, lembrando “as cifras de ocupación turísticas, a reactivación do sector servizos ou o incremento das partidas para servizos sociais e a Axuda no Fogar”.
A candidatura combina "experiencia e renovación, con presenza de todas as parroquias e do conxunto do tecido social". O número dous da candidatura é Óscar Martínez, e os números 3 e 4 son Andrea Pérez e Diego Álvarez, que tamén interviron no acto de onte adiantando que “a mocidade terá moito que dicir en Baiona os próximos catro anos”.
Suplentes
Caballero afirma que se inicia el proceso para la construcción del Vigo Arena para albergar grandes conciertos y eventos deportivos
Una isla de Galicia está amenazada por el calentamiento global. National Geographic lo describe como "las Seychelles gallegas"
Feijóo se mostró crítico en el acto celebrado en Cerdedo-Cotobade con las competencias del Gobierno central y de las comunidades autónomas
Los fuegos de Larouco, Oímbra y Xinzo de Limia y Chandrexa y Vilariño de Conso han calcinado, en conjunto, un total de 78.587,83 hectáreas
O investigador Pablo Serret realizará medicións semanais na ría de Vigo durante 3 anos
Puedes encontrarnos en nuestras redes sociales o, si lo prefieres, ponerte en contacto con nosotros a través de contacto@metropolitano.gal
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL