Carlos Gómez presenta a súa candidatura para “continuar coa transformación” de Baiona

Os socialistas de Baiona presentaron o pasado domingo a súa candidatura para as eleccións municipais do 28 de maio, nun acto aberto aos veciños e veciñas da vila celebrado na Virxe da Rocha. O acto, nun ambiente festivo e moi participativo, contou coa presenza da presidenta da Deputación de Pontevedra, Carmela Silva, e doutros cargos provinciais e autonómicos do partido.

Na súa intervención, o alcalde e candidato á reelección, Carlos Gómez Prado, anunciou a nova de que “Baiona recibirá 2,1 millóns de euros para revitalizar o noso casco vello, que se unen aos outros 2,1 millóns que obtivemos o ano pasado para a humanización da contorna de Santa Liberata; máis de catro millóns de euros para esa zona de vila”.

Másnoticias

Nigrán organiza una ruta guiada y gratuita para descubrir los secretos de Monteferro

15/07/2025

El Reggaeton Beach Festival de Nigrán desvela los horarios y el tiempo de sus conciertos

14/07/2025

Gómez Prado lamentou “o voto en contra por parte da Xunta de Galicia e o PP, que non queren agora mesmo investimentos para Baiona, eles deberán explicar o motivo”. O concello obtivo os fondos para este proxecto municipal grazas aos votos a favor do Ministerio de Industria e a Fegamp.

Con respecto a este tema, Carmela Silva destacou “a cantidade de millóns de euros de fondos europeos que obtivo neste mandato o alcalde de Baiona; non é nada fácil conseguilos, se chegan é porque os proxectos presentados polo concello son moi bos”.

Lealdade

Carlos Gómez Prado garantiu “catro anos máis de traballo e lealdade” para continuar “coa transformación que puxemos en marcha”, lembrando “as cifras de ocupación turísticas, a reactivación do sector servizos ou o incremento das partidas para servizos sociais e a Axuda no Fogar”.

A candidatura combina "experiencia e renovación, con presenza de todas as parroquias e do conxunto do tecido social". O número dous da candidatura é Óscar Martínez, e os números 3 e 4 son Andrea Pérez e Diego Álvarez, que tamén interviron no acto de onte adiantando que “a mocidade terá moito que dicir en Baiona os próximos catro anos”.

CANDIDATURA COMPLETA DOS SOCIALISTAS DE BAIONA

1. Carlos Gómez Prado
2. Óscar Martínez Álvarez
3. Andrea Pérez Domínguez
4. Diego Álvarez Silva
5. María Rosa Domínguez
6. Paula Barbará Pousa
7. Pablo Castro da Rocha
8. Purificación Esperanza Caetano Dacuña
9. José Miguel Sotelo Ulbeira
10. María Mosquera Gómez
11. Samuel Benítez Pereira
12. Concepción Vara Rodríguez
13. Álex Hidalgo Iglesias
14. Sabela Cedeira Vázquez
15. José Ángel Rodríguez Fernández
16. Virginia Santos Cabrera
17. José Paulino Rodríguez Fernández

Suplentes

1. Emilia Giráldez Ramírez
2. Rafael Lores Rosal
3. Mª Concepción Vilar Carneiro