Comeza a recollida de sinaturas para potenciar o bosque autóctono e rematar coa "eucaliptización"

Defender os hábitats do bosque autóctono e implantar unha moratorio para as plantacións de eucaliptos. Estas son os dous principais obxectivos da Iniciativa Lexislativa Popular impulsada por Adega, Fruga e CIG. Segundo estas organización “un de cada cinco metros cadrados de solo galego está ocupado por un eucalipto, unha especie pirófita que se espallou até atinxir máis de medio millón de hectáreas –o 17% do territorio galego”.

Para as organizacións promotoras da ILP estamos diante dunha situación que cómpre reverter porque “as cifras oficiais amosan que a frecuencia coa que ocorren lumes nun eucaliptal é 3,55 veces superior aos lumes en masas de bosque autóctono”.

Másnoticias

Galicia registra un descenso en las hectáreas quemadas por los incendios: de 6.748 a 2.592 en un año

03/12/2024

Vigo pone en marcha un protocolo específico de Policía Local ante el riesgo de incendio forestal

18/09/2024

Para o representante de FRUGA, Manoel Dacal, é unha dinámica que debe mudar. “Impedimos que a xente poida vivir das súas actividades, abandónase a terra, detrás vén a política planificada de Ence de incentivar a plantación de eucaliptos e despois veñen os lumes, con decenas de miles de hectáreas queimadas e mesmo con mortes. Todo na orixe da eucaliptización que hai que frear e ofertarlle á xente saídas no rural rendíbeis que non sexa a única plantación de eucalipto”.

Con todo, a ILP vai máis alá do Plan Forestal, que atinxe só á xestión dos montes, porque pretende unha nova xestión do medio rural no seu conxunto. Entre outras, a protección da biodiversidade de hábitats e especies; medidas valentes para garantir a multifuncionalidade de usos; o fomento do arborado autóctono e mesmo que se elabore un catálogo de frondosas, pendente desde 1992, porque, sen isto, non se pode planificar.

Así, a iniciativa, que busca o máximo apoio popular para levar a lei ao Parlamento de Galicia, estará activa até o mes de marzo.