Galicia xa está en modo electoral. Núñez Feijóo convocaba con urxencia onte a todas as galegas e galegos para o domingo 5 de abril. En menos de 24 horas, o presidente da Xunta confirmou que volverá ser o candidato do PPdeG nos comicios autonómicos. O aspirante dos populares galegos afrontará a súa cuarta campaña electoral. Buscará renovar o mando ao fronte do Executivo galego nun momento de escaseza nas maiorías absolutas que protagonizaron os seus doce anos de goberno. “Se o obxectivo de calquera gobernante é deixar as cousas mellor que cando chegou, o obxectivo está cumprido. Pero non foi a Xunta. Non foi o PPdeG. Non fun eu. Foi Galicia”, afirmaba esta mañá ante os seus compañeiros de partido.
As primeiras verbas do candidato Feijóo, que ofreceu unha intervención na que fixo balance do seu papel como presidente da Xunta de Galicia dende 2009, sinalaron que Galicia ten agora “máis sanidade pública, con mellores hospitais e centros de saúde” e destacou que “ten unha política social que chega a máis cidadáns” e “aporta estabilidade ao conxunto e mostra que hai unha política útil”.
Feijóo apelou ao seu compromiso coas galegas e os galegos. “Ante calquera dúbida, ante calquera elección, ante calquera cuestión, sempre digo Galicia”. O candidato do PPdeG xa lanzou unha mensaxe aos seus rivais nos comicios do vindeiro 5 de abril. “Non me presento para liderar ningún bloque de partidos fronte a outro bloque, senón que preséntome para presidir a todos os galegos”. O aspirante ao seu cuarto mandato ao fronte da Xunta rematou sinalando que o obxectivo é que “Galicia non perda a súa estabilidade”. Esta última declaración podería entenderse como unha referencia ao seu rexeitamento a formar unha coalición electoral de dereitas con Ciudadanos. Porén, nada está pechado, nin confirmado nin desmentido, oficialmente.
Casi 200 escolares participaron en la iniciativa "Operación Ola". Una propuesta que les llevó a practicar surf en la playa de Patos
El pleno aprobó la rehabilitación, por 25.000 euros, de la antigua escuela unitaria de Chandebrito. Estos son los trabajos que se harán
"Gloria e Olvido" se está grabando estos días en la provincia de Pontevedra. Un filme con caras conocidas como la de Antonio Resines
La Fiscalía también pide para Padín inhabilitación por un periodo de 13 años para la profesión de patrón de barco
El vigués Jorge Lens, premiado en un certamen de fotografía urbano promovido por PhotoEspaña. En una convocatoria cerca de 2.500 imágenes
No hay eventos
Puedes encontrarnos en nuestras redes sociales o, si lo prefieres, ponerte en contacto con nosotros a través de [email protected]
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL