As praias de Patos, Alcabre e Cesantes buscan voluntarios para a VII limpeza simultánea

Un ano máis, e van sete, as praias de Galicia acollerán unha xornada de limpeza simultánea coa que eliminar os residuos que se acumulan e, sobre todo, “dar unha chamada de atención sobre a problemática do lixo mariño”.

A cita solidaria terá lugar este sábado, 20 de outubro, en múltiples praias de Galicia entres as que se atopan tres na área de Vigo. En concreto, os voluntarios e voluntarias poderán participar na limpeza dos areais de Alcabre (Vigo), Patos (Nigrán) e Cesantes (Redondela).

Másnoticias

¿Preparados para el concierto de Chayanne en Vigo? El artista te enseña a bailar uno de sus éxitos

26/07/2026

Nigrán arranca este martes las fiestas de su patrón convertida en un cine al aire libre gratuito

26/07/2026

No caso de Vigo (10:30 horas) os responsables da organización serán os membros de Adega Vigo, namentres que en Patos (11:00 horas) a organización corre a cargo de Prado Surf e o Concello e en Redondela (10:00 horas) os encargados serán Sinha Paca.

Dende Adega lembran que cada ano, dez millóns de toneladas de lixo rematan nos océanos, lixo que provén da industria do mar (pesca, extraccións...), pero tamén dos ríos, debido a unha mala xestión dos residuos en terra.

Os residuos vertidos no mar teñen graves consecuencias para a os ecosistemas mariños: máis de 1.000.000 de aves mariñas e 100.000 mamíferos e tartarugas morren cada ano enredados ou por inxesta do lixo mariño. Tamén pode afectar directamente á saúde humana, xa que moitos destes produtos conteñen substancias tóxicas, bioacumulativas e persistentes, que entran na cadea alimentaria.

Outro dos problemas asociados a estes residuos, é que provocan perdas económicas importantes, debido a que diminúen a pesca comercial e degradan lugares aptos para actividades recreativas e turísticas, ademais de supoñer un enorme gasto de limpezas de praias.

Os interesados en participar poden contactar directamente coas organización responsables de cada entidade colaboradora ou con Adega a través do correo [email protected]. No caso de Nigrán, os voluntarios poden anotarse en [email protected].