A loita contra a vespa velutina non cesa en Salceda

O Concello de Salceda de Caselas, xunto co grupo de voluntariado vinculado á vespa velutina, ven de iniciar o proceso de colocación de trampas para esta nova tempada. Un total de 21 persoas colaboran de xeito altruísta nesta tarefa, distribuíndose o traballo por parroquias, encargándose cada dúas semanas de repasar as trampas colocadas e o número de insectos desta especie invasora que caeron nas mesmas.

O pasado ano en Salceda de Caselas desactiváronse un total de 81 niños, que comparados cos máis de 100 que se desactivaron no 2016 aporta datos positivos en canto ao funcionamento das trampas, que están a conseguir a eliminación de raíñas e, polo tanto, de novos niños.

Másnoticias

Caballero se indigna al conocer que León sí tendrá Medicina: "Es un escándalo"

08/11/2025

Vuelve a Vigo la feria en la que comprar, vender e intercambiar auténticas joyas musicales

08/11/2025

O Concello de Salceda, que facilita aos voluntarios o material e produtos precisos, agradece “enormemente o traballo levado a cabo por este grupo de voluntariado, sen o cal sería imposible manter a poboación de vespa velutina controlada”. Neste senso, a concelleira de Medioambiente, Carla Pérez, denuncia que “a Xunta de Galicia non fixo os seus deberes neste tema dende o primeiro momento, ata rematar derivándonos o problema aos concellos, que nos temos que buscar a vida para solucionalo co escaso material que se nos aporta”.

Pode interesarche: É posible evitar un ataque de vespa velutina e como actuar se sucede?