Marea de Vigo propón unha axuda de 1.000 euros a comerciantes e exencións de taxas municipais

Marea de Vigo vén de solicitar que o Concello de Vigo mobilice dez millóns de euros para axudar ao comercio local, hostalaría e sector servizos a recuperarse tras o parón económico provocado pola crise do coronavirus. O grupo propón, amais de medidas fiscais, axudas directas para pagamentos de alugueiros, cobertura de gastos ou melloras tecnolóxicas.

A proposta do espazo municipalista céntrase en tres eixos: bonificar e establecer exencións en impostos e taxas municipais, reorientar e modificar partidas do orzamento actual do Concello de Vigo e que previsiblemente terán pouca ou nula execución ou que terán máis recursos dos finalmente orzamentados e unha forte campaña de promoción do comercio local.

Másnoticias

El festival más gastronómico desvela nuevas sorpresas, el Vigo SeaFest se lanza al mar

23/06/2026

Piden que el Concello rectifique las bases de las ayudas para el empleo en las entidades sin ánimo de lucro

22/06/2026

Ente as axudas directas, atópanse unha achega de 1.000 euros por negocio e complementos por traballador, así como axudas á cobertura dos custes empresariais. Esta axuda estaría destinada a empresarios e autónomos que tiveron que pechar polas sucesivas actuacións do Goberno dende a declaración do estado de alarma e cunha facturación derivada menor do 50%. De existir crédito ampliaríase a autónomos e profesionais sen negocio físico nin empregados.

No apartado de impostos, Marea de Vigo pide liberar do pagamento de recollida de lixo durante o periodo de estado de alarma aos comerciantes, a adaptación ao consumo real do recibo da auga dende o mes de marzo ate decembro de 2020 ou a devolución íntegra da taxa de ocupación da vía pública para terrazas.

Por outra banda Marea de Vigo propón a readaptación, por motivos obvios de emerxencia, dos orzamentos municipais a través de modificacións concretas para reorientar recursos orzamentarios de xeito inmediato e habilitar xa cinco millóns de euros do orzamento do 2020 reducindo as partidas de novas rutas para Peinador, Festas de Vigo, instalación de alumeado de Nadal ou mellora de Balaídos.

Os outros cinco millóns que Marea de Vigo propón como investimento para este fin están supeditados ao compromiso do goberno expresado xa nas medidas tomadas despois de declarar o estado de alarma de artellar modificacións lexislativas que flexibilicen a regra de gasto para todas as entidades locais con superávit para empregos que sexan de carácter finalista.

Marea de Vigo pide tamén no seu documento o artellamento de políticas ambiciosas de fomento da compra no comercio local, mediante campañas de sensibilización contra o impacto que plataformas de compra online e con actuacións municipais directas e planificadas como reforzo efectivo e fomento da actividade económica local e de proximidade.