O grupo municipal de Marea de Vigo vén de denunciar que o Casino de Vigo, situado no Centro Comercial A Laxe, estaría a incumprir os horarios de peche fixados polo Goberno para facer fronte á pandemia do coronavirus.
Segundo explican dende a formación, “mantense aberto e funcionando máis alá das horas permitidas ao resto dos establecementos de hostalería”. Marea de Vigo considera que o establecemento conta “cunha grande clientela na zona de bar, con independencia de se son xogadores ou non xogadores”. Esta condición implicaría que o Casino se rexa pola normativa , sobre medidas de prevención necesarias para facer fronte á crise sanitaria ocasionada polo COVID-19, que limita os horarios de hostalería e restauración e imposibilita a apertura dos locais de ocio nocturno.
“Ante esta situación, que consideramos ademais absolutamente nociva cara ao sector hostaleiro da nosa cidade, dámoslle traslado ás autoridades competentes así como á concellería responsable e á propia entidade dentro da que se encadra o Casino, Zona Franca, para que tomen as medidas correspondentes de inmediato”, alegan nun escrito remitido á Policía Local, a concellería de Seguridade e a Zona Franca.
O colectivo de hostaleiros e comerciantes de Zona Náutico vén de volver solicitar a equiparación de horarios de apertura e peche de terrazas no outono e inverno para os establecementos hostaleiros. A asociación pretende que se cambie a ordenanza de terrazas para permitir que no outono e inverno poidan estar abertas durante máis tempo.
Ata o 5 de abril estará aberto o período de preinscrición na Escola Infantil do campus de Pontevedra, que contará con catro aulas e 51 prazas
Puedes encontrarnos en nuestras redes sociales o, si lo prefieres, ponerte en contacto con nosotros a través de contacto@metropolitano.gal
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL