O BNG de Vigo alerta da insuficiencia de persoas nos bombeiros na cidade

O Bloque Nacionalista Galego alertou esta mañá das insuficiencia de persoal no corpo de bombeiros da cidade para enfrontar a tempada estival. O concelleiro do BNG en Vigo, Xabier P. Igrexas, demandou que a concelleira de Seguridade, Elena Espinosa, explique publicamente como vai organizar o servizo contando con apenas 80 efectivos en activo.

"É momento de que o Goberno municipal dea cara e que a concelleira Elena Espinosa explique como ten previsto organizar o operativo de bombeiros para a tempada de verán, tendo en conta que neste momento a cidade só conta con apenas 80 bombeiros en activo", reclamou Igrexas.

Másnoticias

¿Preparados para el concierto de Chayanne en Vigo? El artista te enseña a bailar uno de sus éxitos

26/07/2026

Un local de Vigo con el "mejor taco de Galicia" estrena un nuevo espacio junto al mar en las Rías Baixas

26/07/2026

O edil nacionalista sumouse ao rexeitamento xa expresado polos bombeiros diante da posibilidade de habilitar un sistema de gardas localizábeis. "Non podemos admitir nin acpetar que a única solución que se lles teña ocurrido sexa a das gardas localizábeis. A cidade non necesita bombeiros por teléfono, a cidade necesita un corpo de bombeiros, suficientemente dotado e cos efectivos necesarios par atender coa maior celeridade e eficacia as situacións de emerxencia que requiren da súa presenza", explicou.

Dez meses de folga

Aliás, desde o BNG puxeron en foco na falla de resposta por parte do Goberno municipal ao conflito aberto hai preto de dez meses no servizo. “Imos camiño de se cumpriren dez meses da folga indefinida no corpo de bombeiros, unha folga sen precedentes na historia da cidade e a única resposta que deu o Goberno municipal foi o silencio. Cero diálogo, cero interlocución, cero solucións", afeou Igrexas.

Para as nacionalistas as demandas e reivindicacións que motivaron a convocatoria de folga dos bombeiros “continúan hoxe máis vixentes do que nunca”. Neste sentido, lembran que non se trata só de mellorar as condicións de traballo dos bombeiros da cidade, pola falla de medios materiais e humanos que as fai extenuantes tanto a nivel físico como mental, senón que esta situación está a comprometer gravemente a seguridade de todas as viguesas e de todos os vigueses”. “Con poucos medios, hai menos capacidade operativa, con poucos bombeiros hai menos capacidade de resposta para atender as situacións de emerxencia", remacha o portavoz municipal nacionalista.