O BNG de Vigo denuncia o "abandono" da Praza da Independencia

O Bloque Nacionalista Galego de Vigo vén de pedir que o Goberno municipal actúe ante o "abandono" da Praza da Independencia. A fronte nacionalista recolle as denuncias e queixas da veciñanza da zona, que alertan sobre a "falla de mantemento e de limpeza polo desleixo do Goberno de Abel Caballero".

“Son evidentes os desperfectos, con empedrado levantado, zonas axardinadas abandonadas, falta de limpeza e un elemento tamén moi preocupante como a crecente presenza de vehículos estacionados neste grande espazo peonil”, explicou o concelleiro do BNG en Vigo, Xabier P. Igrexas. Entre os estragos, a veciñanza destaca o "estado de deterioro" que presenta o monumento aos heroes da Reconquista, situado no corazón da praza.

Másnoticias

Caballero pide "implicación económica" a Diputación y Xunta para tener a vuelos a Londres, París o Bilbao

24/07/2026

Un nuevo ciclo de conciertos lleva a jóvenes artistas a emblemáticas salas de Galicia, incluido Vigo

24/07/2026

“Unha praza que foi emblema no seu momento dese ambicioso e audaz proxecto de humanización real da cidade e de democratización do espazo público, impulsado polo BNG, e que supuxo a súa peonalización como tamén no caso do Calvario”, recordou Igrexas, que lamentou que estes e outros espazos importantes para a veciñanza de Vigo "continúen padecendo a falla de xestión do Goberno local".

“A política non se pode reducir a primeiras pedras e grandes inauguracións”, criticou o edil nacionalista. “Non podemos seguir asistindo a como se degradan diferentes ámbitos da cidade porque alí non se quere poñer o foco propagandístico”, remachou.