O BNG de Vigo denuncia que o Concello deixou sen executar 365.000€ en axudas sociais

O Bloque Nacionalista Galego denuncia que o Concello de Vigo deixou sen executar 365.000 euros das partidas destinadas a axudas sociais no ano 2021. A fronte nacionalista vén de reclamar ao Goberno municipal que xustifique o motivo de "ter aforrado en materia de política social cando a cidade atravesa unha situación de grave emerxencia social", con 22.000 persoas no desemprego, preto de 60.000 en risco de exclusión social e pobreza, segundo os datos do índice Arope recollidos polos nacionalistas, e con máis da metade dos fogares vigueses atravesando "moitas dificultades para chegar a fin de mes".

“Non atopamos ningunha explicación para que o Goberno municipal teña deixado de gastar 365.000 euros en partidas para axudas de emerxencia, de vivenda ou alimentación, cando millares de viguesas e vigueses teñen que acudir cada día a comedores sociais ou facer colas da fame en organizacións asistenciais”, criticou o concelleiro nacionalista en Vigo, Xabier P. Igrexas. “Este nivel de inexecución nas partidas de política social poñen en entredito ese cacarexado compromiso social do goberno de Abel Caballero”, engadiu.

Másnoticias

Dos detenidos en un día en Vigo como presuntos autores de un delito de violencia de género

27/06/2025

El ciclo de conciertos que llena de música en directo Galicia crece en Vigo hasta el mes de octubre

27/06/2025

Desde o BNG voltaron a insistir na necesidade de que o Concello de Vigo “que conta cun orzamento millonario” mobilice todos os recursos necesarios para se configurar nun “verdadeiro parapeto social”. “Vemos moitos anuncios e grandes titulares, pero as cifras evidencian un compromiso raquítico e insuficiente para protexer ás viguesas e vigueses máis vulnerábeis ou que atravesan dificultades sociais”, lamentou Igrexas.