O BNG de Vigo denuncia un novo vertido "potencialmente contaminante" no río Lagares

Desde o Bloque Nacionalista Galego denunciaron esta mañá un novo vertido “potencialmente contaminante” no río Lagares. O mesmo produciuse o pasado martes nas inmediacións de Severino Cobas, en Lavadores, con presenza de augas moi turbias das que se descoñece a súa orixe. A fronte nacionalista denuncia que “son xa numerosos, demasiados, os puntos nos que se rexistra de forma recorrente estas verteduras de augas sen tratar” no curso fluvial.

O Portavoz municipal do BNG en Vigo, Xabier P. Igrexas, reiterou que “é necesario, é imprescindíbel, que o Goberno municipal de Abel Caballero actúe con determinación para protexer o elemento de enorme valor ambiental que representa o Lagares”. “O río Lagares é o verdadeiro pulmón azul e verde da nosa cidade e cómpre que o Goberno municipal dedique máis medios para a súa protección e conservación e combater os vertidos ilegais despregando un compromiso real coa sustentabilidade, na certeza de que o futuro de Vigo só pode ser verde”, acrecentou.

Másnoticias

Teis anuncia una de las mejores noches de San Xoán de Vigo, con hoguera, sardinas, choripán y música

21/06/2026

Más de 200 personas comprueban la belleza del Camino de Santiago que une Vigo y Redondela

21/06/2026

O nacionalista sinalou que existen solucións tecnolóxicas que permitirían monitorizar en tempo real o estado do río para evitar que siga sendo usado como un “gran sumidoiro” e para identificar ás persoas ou empresas responsábeis destas verteduras e actuar con contundencia. Nese sentido, Igrexas demandou que se reinicie o proxecto para dotar o río dunha rede de telecontrol e vídeovixilancia, similar á impulsada por iniciativa nacionalista durante a súa etapa no Goberno municipal e que leva moitos anos sen funcionar por causa do desleixo e do abandono do propio Concello de Vigo.