O BNG de Vigo insta a Caballero a paralizar o recheo no Berbés: "É momento de que se comprometa"

O Bloque Nacionalista Galego vén de instar ao alcalde de Vigo, Abel Caballero, a tomar medidas para paralizar o novo recheo no Berbés, tras o reinicio dos traballos nos pasados días por parte da Autoridade Portuaria. A fronte nacionalista reitera a súa demanda de poñer fin aos aterramentos na ría viguesa e reclama que o Goberno municipal despregue todas as accións institucionais, administrativas e mesmo xudiciais para frear este “atentado ambiental” que supón cementar 8.300 metros cadrados máis do litoral.

“Abonda de discursos impotentes, é momento de que o Concello de Vigo se comprometa de verdade, con feitos, en defender a nosa ría e o noso medioambiente”, esixiu o concelleiro do BNG na cidade, Xabier P. Igrexas, que destacou a oposición frontal das nacionalistas a este novo recheo “desde o primeiro momento” coa presentación de numerosas iniciativas para a súa paralización tanto a nivel municipal como no Congreso.

Másnoticias

Vigo se prepara para el primer domingo de rebajas con la apertura de centros comerciales y tiendas del centro

28/06/2025

Así es la postal veraniega en Vigo con las playas llenas a 30 grados

28/06/2025

Igrexas salientou que existen antecedentes de aterramentos que non se levaron a cabo pola actuación decidida do Concello, polo que chamou Abel Caballero a pasar dos “lamentos aos feitos”. “Tal e como conseguimos, por exemplo, hai varias décadas o BNG desde a Alcaldía freando aquela ameaza xigantesca do macrorecheo no Areal”, apuntou.

O edil nacionalista recordou que a cidade “xa lle gañou á ría de Vigo tres millóns de metros cadrados ao longo da súa historia”. Unha situación que, valorou, conta cunha gran contestación veciñal. “Hai unha maioría social que entende que o tempo dos recheos rematou, que o futuro da cidade só pode ser verde e pasa tamén por reconciliar Vigo co seu litoral, por deixar de cementar máis e máis metros dese ecosistema tan valioso que é a ría”.