O Bloque Nacionalista Galego de Vigo vén de solicitar a paralización cautelar das obras para o proxecto de seis novos chalés en Cabo Estai, diante das graves irregularidades denunciadas pola Asociación Veciñal de San Miguel de Oia. A fronte nacionalista reclama que se aclaren estas anomalías antes de continuar coa construción desta urbanización en primeira liña de costa.
“Falamos dun proxecto a poucos metros do litoral que, para alén do seu evidente impacto paisaxístico e ambiental, está envolta en dúbidas e sospeitas fundadas, mesmo a respecto da titularidade real de parte dos terreos que se pretenden incorporar na construción”, destacou o concelleiro do BNG en Vigo, Xabier P. Igrexas, despois de visitar a localización das obras xunto coa deputada no Parlamento galego e responsábel local, Carmela González, e o presidente da asociación veciñal de San Miguel de Oia, Ángel Goberna.
O BNG pide ademais acceder á integridade do expediente urbanístico co que o departamento encabezado pola concelleira María José Caride deu o visto bo para a concesión da licenza municipal do proxecto. “Unha licenza que foi outorgada ademais no tempo de desconto, a poucos días de que se decretase a suspensión das mesmas pola aprobación inicial da modificación do novo PXOM”, subliñou o edil nacionalista.
Entre as irregularidades, desde a entidade veciñal denuncian que varias fincas foron usurpadas pola promotora para a construción dun vial de acceso. “Choca que se poidan autorizar actuacións que incluíron aterramentos a moi poucos metros do mar, ou se teña autorizado instalar unha escaleira de formigón directamente sobre as rochas da fachada costeira de Cabo Estai”, lamentou Igrexas.
A fronte nacionalista demanda por estes motivos a paralización das obras até garantir que cumpren de forma “escrupulosa” coas normativas ambientais e urbanística. “O tempo da barra libre, sobre todo no litoral, ten que darse por concluído”, concluíu o concelleiro do BNG.
Trueno sorprende en Castrelos con dos artistas invitados. Cuando Trueno canta, Vigo levanta la mano al ritmo de la calle
Abel Caballero ha tildado este viernes de "intolerable" que la Xunta "maltrate la educación pública y concertada de la ciudad"
La policía de Vigo se trasladó a la Panificadora para atender un posible caso de violencia de género. Detuvieron a un hombre que reside en este inmueble abandonado
Tablas top, conservas del mar y vinos cuidadosamente seleccionados. Esta es la nueva propuesta del nuevo templo del embutido en Vigo
Supón un fito no eido da acuicultura sustentable e podería reducir a dependencia dos bancos naturais
Puedes encontrarnos en nuestras redes sociales o, si lo prefieres, ponerte en contacto con nosotros a través de contacto@metropolitano.gal
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL