O Bloque Nacionalista Galego demandará explicacións ao Goberno municipal pola talla de varias árbores realizada nos últimos días na praza da Princesa. Denuncian o “arboricidio permanente” que se sigue a perpetrar na cidade e urxen unha rectificación por parte do Concello.
Así o anunciou esta mañá o concelleiro do BNG en Vigo, Xabier P. Igrexas. “A corta de varios exemplares de liquidámbares na praza da Princesa supón un novo arboricidio en pleno corazón da nosa cidade. Unha actuación que consideramos inxustificada polo que imos pedir explicacións ao Goberno local desta nova agresión contra do arborado urbano”, afirmou. O portavoz municipal nacionalista recalca que “as árbores son moito máis que un elemento ornamental, non son apenas mobiliario urbano, senón que xogan un papel fundamental no ecosistema urbano”.
Igrexas denuncia que os exemplares tallados tiñan nalgúns casos máis de vinte cinco anos e ofrecían unha importante zona de sombra na praza da que disfrutaba moita veciñanza. “Temos que seguir insistindo desde o BNG en esixir que cese o arboricidio permanente, en pedir a fin deste comportamento absolutamente irresponsábel en termos ambientais, que despreza e maltrata o arborado urbano de Vigo e que non está a altura da elevada conciencia ecolóxica que temos unha amplísima maioría das viguesas e dos vigueses”, reclamou o edil nacionalista.
“Os tempos nos que se trataba as árbores coma se fosen postes con follas xa quedaron felizmente no pasado. Por iso o Goberno de Abel Caballero debera comprender a importancia que ten o arborado para a nosa cidade”, remachou.
El IES Domingo Villar, la rehabilitación de la ETEA o el túnel de Elduayen, los próximos proyectos de la Xunta en Vigo. Así los han detallado
Nigrán reclama cómo debe ser el transporte público en O Val Miñor y O Baixo Miño. Pide que la nueva concesión termine con las "deficiencias"
Facenda espera que el Gobierno actualice las retribuciones de los empleados públicos y tiene cuentas "preparadas" para recoger ese aumento
El alcalde de Vigo avanza algunas de las grandes obras que protagonizarán el año 2026, cuando el presupuesto superará los 345 millones
Begoña Vila leva recibido múltiples recoñecementos pola súa carreira, incluíndo a Medalla da NASA para o Logro Público Excepcional en 2016
Puedes encontrarnos en nuestras redes sociales o, si lo prefieres, ponerte en contacto con nosotros a través de contacto@metropolitano.gal
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL