O BNG demanda a retirada da publicidade taurina instalada en Vigo

A aparición de cartelaría anunciando unha feira taurina en diferentes ámbitos de Vigo, entre eles o Casco Vello vén de provocar que o BNG de Vigo demandase ao Concello que aplique a ordenanza municipal de publicidade exterior para evitar que “a tortura animal se anuncie con impunidade na vía pública”.

Segundo explicou o concelleiro Xabier P. Igrexas, “o maltrato e a tortura animal non son ningunha manifestación cultural. As touradas son unha expresión de brutalidade que non se corresponde cunha sociedade civilizada que cada vez demanda un maior respecto para o benestar animal”. O voceiro nacionalista anticipou que se dirixirán ao Goberno municipal para que inste á empresa responsábel a retirar inmediatamente a cartelaría e que se lle apliquen as sancións que correspondan.

Másnoticias

Luisa Sánchez acusa a Caballero de "paralizar" las inversiones que la Diputación quiere hacer en Vigo

25/07/2026

Doce chiringuitos en Vigo y su área que ofrecen música en directo durante este verano

25/07/2026

O BNG destaca que Vigo foi a primeira cidade galega en prohibir a realización de espectáculos con animais no termo municipal. Non entanto, chamou a avanzar nesa mesma liña e a evitar que empresas que fan negocio de torturar animais se poidan anunciar nas rúas da cidade incumprindo as ordenanzas municipais.