O BNG insta ao Goberno a abrir "de xeito inmediato" todos os pasos fronteirizos do Miño

O deputado nacionalista no Congreso, Néstor Rego, vén de solicitar ao Goberno a apertura "inmediata" dos pasos fronteirizos das Eurocidades do Miño para permitir a circulación de traballadores e traballadoras que deben desprazarse ao seu posto de traballo no estado veciño. Así mesmo, Rego solicita un estudo dos danos económicos, a inxección de fondos suficientes e a activación de políticas de apoio á zona transfronteiriza xa que durante todo o estado de alarma está a sufrir un “dobre impacto económico, tanto polo peche de fronteiras como pola COVID-19”.

O BNG presentou a pasada semana unha proposición non de lei na que destaca que a cooperación transfronteiriza a ambos lados da fronteira “é unha das máis consolidadas e con máis tradición en España e Europa”. No texto, explícase que o territorio transfronteirizo do Miño é a área máis dinámica economicamente da Unión, tanto por estar no medio do eixo Vigo-Porto como por compartir relacións comerciais, industriais, culturais e lingüísticas. A fronteira de 70 quilómetros con Portugal na provincia de Pontevedra é a que asume o 49% de todos os tránsitos entre os dous estados.

Másnoticias

Critican el "fracaso" del modelo de subvenciones a vuelos de Vigo y piden coordinación para Peinador

14/04/2025

Galicia quiere crear una nueva Reserva de la Biosfera entre Pontevedra y Portugal

13/04/2025

“A pesares desta situación, cando se decretou o peche de fronteiras para conter a COVID-19 non se tivo en conta o funcionamento e xestión compartida das Eurocidades, e o confinamento supuxo un duro golpe para as súas economías”, explica o deputado nacionalista. Ante esta situación, agora que se entra na fase de desescalada, “é preciso apostar por abrir os pasos fronteirizos e permitir a intercomunicación”.

Nestes momentos, só está aberto unha das seis pontes que cruzan o río Miño (a de Tui-Valença) o que, nalgúns casos, provoca rodeos de traballadores e traballadoras dunha e doutra marxe que chegan ata os 100 quilómetros, o que fai inasumible economicamente o custe do desprazamento en relación ao salario percibido. Así, tendo en conta as medidas de control precisas, solicítase se abran todos os pasos.

Tamén se solicita, entre outras medidas, a elaboración dun estudo de impacto, que se destinen todos os fondos necesarios para paliar o dano do peche da fronteira e da COVID no territorio, así como a adopción de políticas de reactivación económica. Fai fincapé, así mesmo, na necesaria coordinación entre os gobernos portugués e español para a desescala e na armonización de medidas e activiades permitidas a ambos lados da fronteira.

Por último, o deputado nacionalista subliña a importancia de que o Goberno se dirixa e dialogue coa Agrupación Europea de Cooperación Transfronteiriza do Miño (AECT Rio Minho) como axente institucional e xurídico polo seu coñecemento do terreo, como mellor instrumento para a proposición de medidas conxuntas.