O BNG propón unha “liña cero” con trolebús de Navia a Teis que conecte cos circulares

En vésperas do día internacional sen coches, que se celebrará este domingo, o Bloque Nacionalista Galego demanda do Goberno municipal de Vigo “audacia, valentía e modernidade” para apostar de maneira decidida por unha mobilidade “moderna e ambientalmente sostible”.

Con ese obxectivo, o concelleiro Xabier P. Igrexas, vén de propoñer a creación dunha “liña cero” que una Navia e Teis, conectando todo o casco urbano e que poida funcionar como liña central e intercambiador para combinar cos circulares, a través dos transbordos. A liña debera ter unha frecuencia de como mínimo 15 minutos durante os horarios laborábeis.

Másnoticias

Vigo ya vibra con los conciertos de Castrelos y se rinde a Ana Belén, "es el mejor inicio de un festival"

12/07/2025

Abre una nueva tienda de moda en el Centro Comercial Gran Vía de Vigo

12/07/2025

A liña partiría de Navia, e pasaría por Coia, Travesas, praza de España, nova estación intermodal de Urzaiz, Calvario e Travesía de Vigo até desembocar en Teis. O percorrido iría sobre carrís bus e complementariamente con preferencia semafórica naquelas rúas nas que non permitan a reserva dun carril exclusivo.

Igrexas defende que esta proposta debería incorporarse dentro da "necesaria reforma" do mapa de liñas e da nova concesión do servizo. “Esa liña cero sería unha medida que revolucionaría a mobilidade e que melloraría de maneira substancial o transporte urbano e a mellor contribución para avanzarmos de verdade cara a unha cidade con menos coches”, considera o voceiro nacionalista.

Para asegurar a súa axilidade e capacidade, a fronte nacionalista suxire que se faga uso dalgunha modalidade de transporte articulado. “Moito se ten falado do metro lixeiro, gastando decenas de millares de euros en estudos. Non imos dicir se esa é a fórmula ou outra, pero o que sabemos é que en outras cidades europeas semellantes a Vigo funcionan de maneira moi eficiente liñas con sistema de trolebús”, explicou Igrexas.