O PSOE de Nigrán celebra os resultados electorais:"Unha vitoria aplastante que refoza a nosa xestión"

O PSOE de Nigrán revalidou nas eleccións deste domingo 28 de maio a súa folgada maioría absoluta  permitindo que por vez primeira na historia democrática do municipio un mesmo alcalde afronte o seu terceiro mandato. “Obtivemos outra vitoria aplastante que reforza a nosa xestión e os nosos proxectos de futuro ”, valora o rexedor en funcións, Juan González, quen fai fincapé no “colosal” resultado dos socialistas en Nigrán tendo en conta, ademais, o contexto xeral. “Gañamos con amplísima diferencia en absolutamente todas as mesas de todas as parroquias, nalgunhas mesmo duplicando á oposición, o  que nos da moita confianza para seguir gobernando como ata agora: pensando sempre no benestar das persoas e cumprindo cos grandes retos de futuro que anunciamos”, resume.

O resultado significa que o PSOE de Nigrán continúe por segundo mandato consecutivo gozando de maioría absolutísma con 11 concelleiros gobernando e 6 na oposición (5 PP e 1 BNG). As únicas caras novas serán as de  Sara Penedo Vázquez, veciña de Panxón de 27 anos e licenciada en Ciencias do Deporte, polo que levará esta área; Estela Pérez Pérez, veciña de Chandebrito licenciada en Maxisterio e quen xa fora concelleira nos anos 2007-2010 e que levará Educación; e Roberto Garrido Pereira, veciño de Nigrán de 34 anos licenciado en Historia.

Másnoticias

Nigrán ofrece este verano un campamento inclusivo en el pabellón municipal de Panxón

07/06/2025

Baiona iniciará el verano a lo grande con un festival que llenará de conciertos gratis su casco histórico

06/06/2025

“Manteremos igual case todas as áreas igual pero incorporaremos novas tamén, nos vindeiros días iremos pechando todo”, avanza. Precisamente, a suma de Sara Penedo deixará unha imaxe especialmente emotiva na investidura do 17 de Xuño, xa que presidirá a mesa xunto ao seu avó e compañeiro de partido Alfonso Vázquez, a persoa máis nova e de máis idade da corporación, respectivamente.

“Están a piques de florecer auténticos fitos transformadores de Nigrán froito de anos de xestión e compromiso firme deste goberno: a aprobación provisional do PXOM; o parque forestal Os Matos-Río Táboas, os bosques-escola de Camos e Vilariño, a repatrición do mosaico romano de Panxón, a escavación completa do castro de Chandebrito, o muíño de Porto do Molle totalmente rehabilitado e en uso, o ambulatorio de Panxón como local social para maiores e mocidade, as sendas peonís de Parada e Camos, Otero Pedrayo e Mestra Emérita humanizadas… Accións que levan moito más tempo de xestión do que quixéramos pero que nos permiten tamén en recuperar os dous ediles que perdemos", conclúe González.

Concelleiros socialistas

• Juan A. González Pérez. Alcalde de Nigrán en funcións . Historiador. San Pedro
• Rubén Rial Sánchez. Teniente de Alcalde. Concelleiro de Vías e Obras, Limpeza, Servizos Urbáns e Seguridade en funcións. Bombeiro do GES. Nigrán
• Diego García Moreira. Concelleiro de Urbanismo, Mobilidade, Medio Ambiente, Réxime Interior e Persoal en funcións. Avogado-Economista. Camos
• Sara Penedo Vázquez. Panxón. Licenciada en Ciencias do Deporte. Panxón
• Estela Pérez Pérez. Chandebrito. Licenciada en Maxisterio. Chandebrito
• Bibiana Peixoto Iglesias. Concelleira de Servizos Sociais en funcións. Mestra. San Pedro
• Roberto Garrido Pereira. Nigrán. Licenciado en Historia. Nigrán
• Cristina Dosil Valverde. Concelleira de Turismo, Xuventude e Participación Cidadá en funcións. Operaria de automoción. Parada
• Patricia Diego Travieso. Concelleira de Igualdade, Voluntariado e Comercio en funcións. Perruqueira. San Pedro
• Alfonso Vázquez Pérez. Concelleiro de Sanidade, Abastos, Mercados, Turismo Social e Festexos Populares en funcións. Xubilado. Parada
• María Esperanza Mayán Areal. Concelleira de Terceira Idade. Auxiliar de Enfermaría en funcións. Camos