O viño do Condado do Tea atrae a máis de 50.000 persoas a Salvaterra

A Festa do Viño do Condado do Tea pechou este domingo tres xornadas centradas na difusión e promoción vinícola da comarca. Porén, o evento vén medrando cara unha celebración gastronómica musical á que “os asistentes están a responder moi ben”, nas verbas da tenente de Alcalde, Marta Valcárcel.

Segundo os datos que manexa o Concello de Salvaterra, entre o venres e o domingo pasaron máis de 50.000 persoas polo recinto amurallado da vila, un enclave “único” que permite unha “mestura de historia, cultura, gastronomía e música que fai especial ao evento”, destaca Valcárcel.

Másnoticias

Una cita gratis con el humor para empezar el fin de semana entre risas en Salvaterra

21/08/2025

Piden revertir la pérdida de zonas verdes y la tala de árboles en Salvaterra

13/08/2025

Nesta edición até 28 adegas instalaron os seus postos na festa –dous máis que no pasado ano- vendendo 30.000 botellas de viño, ben para desfrutar alí mesmo ou para levar. A cita está apoiada polo órgano regulador da Denominación de Orixe Rías Baixas.

Co obxectivo de dinamizar o evento, dende o Concello estanse a impulsar as “Noites Gastronómicas” que engaden concertos de recoñecidos artistas á oferta gastrovinícola.