Redondela evita que a construción do parque infantil en San Estevo de Negros se prolongue "sine die"

As obras de construción da primeira fase do parque infantil de San Estevo de Negros, que debían ter comezado o pasado mes de outubro e estar finalizado este mes de xaneiro, comezarán finalmente na primavera despois de que as condicións meteorolóxicas adversas impediran a realización dos traballos.
O Concello de Redondela optou por paralizar o expediente polo prazo máximo establecido na Lei de Contratos, seguindo as recomendacións dos técnicos, co obxectivo de evitar incumprir os prazos que provocaría a necesidade de celebrar un novo contrato e, polo tanto, alargaría máis os prazos.

O aprazamento prodúcese despois de que o pasado 29 de novembro do 2019 o director da obra emitira un informe no que manifestaba a imposibilidade de dar comezo ás obras previstas ao estar os terreos anegados polas continuas choivas dos últimos meses. O lugar onde se ten pensado realizar a actuación, con terras procedentes de distintos desterros, actúan a modo de esponxa propiciando o seu encharcamento.

Másnoticias

Hallan en Redondela el cuerpo de una persona que podría ser el de María, la vecina de Vigo desaparecida

26/07/2026

Un incendio en un coche en Redondela afecta a otro vehículo y a una vivienda próxima

26/07/2026

As obras realizaranse nunha zona comprendida entre os camiños do Sapal e Costa Mouriño e consisten no acondicionamento dunha parcela para a posterior instalación dun parque infantil e unha zona deportiva para o que, o proxecto, inclúe os traballos de rozado de toda a parcela e a execución dunha rampla de acceso na súa vertente oeste.

A alcaldesa de Redondela, Digna Rivas, asegurou á veciñanza de San Estevo de Negros que a paralización dos traballos “debese exclusivamente a recomendacións técnicas de xeito que se poidan facer, posteriormente con todas as garantías necesarias”. Rivas asegurou que este aprazamento “non implica nin a perda dos fondos previstos nin moito menos a cancelación da obra”.

As veces, concluíu Digna Rivas, “é mellor esperar o tempo recomendado polos técnicos e facer unha obra en condicións que levala adiante de calquera xeito para ‘quedar ben’, como xa ten acontecido en épocas anteriores”. A obra, executada por Narom SL, ten un orzamento de 138.657,70 euros.