Redondela recupera a microtoponimia para que non desapareza "coa morte dos máis maiores"

O Concello de Redondela vén de presentar un ambicioso proxecto de recuperación, conservación, estudo e difusión da microtoponimia do municipio, unha iniciativa posta en marcha dende a Concellería de Normalización Lingüística que xestiona a alcaldesa Digna Rivas.

O proxecto trata de minguar a perda da riqueza do patrimonio inmaterial “que corre serio risco de desaparición coa morte de cada persoa maior”, asegurou en rolda de prensa a rexedora local, quen lembrou que a toponimia “é un dos elementos do patrimonio inmaterial valorados pola UNESCO como de especial protección”.

Másnoticias

Cazan a un conductor de un autobús drogado en Chapela que iba a recoger a 60 menores

23/06/2025

La isla de San Simón, más cerca de ser Lugar de la Memoria por su pasado

22/06/2025

Por unha banda, e grazas a unha subvención da Deputación de Pontevedra, o Concello publicará tres libros que recollen a microtoponimia das parroquias de Cabeiro, Negros e Vilar de Infesta. A autor, Cora Represas, é licenciada en Filoloxía Galega e fixo o estudo do significado de cada un dos microtopónimos. O traballo de campo, de recollida de cada nome, fixérao hai anos a Cooperativa Tres Pés, de Redondela. Por iso, o concello quixo darlle saída  a este traballo para completalo e sacalo á luz. Os libros repartiranse de maneira gratuíta e tamén se poden descargar de balde na web de toponimia.

A través dunha web especial, toponimia.redondela.gal, que tamén contou co apoio da Deputación, recóllense xa 350 topónimos das citadas parroquias. A novidade, con respecto a a outras webs de toponimia, é que cada microtopónimo trae unha explicación. O concello quere facilitar a xente o coñecemento da toponimia, a súa historia e localización. Nesta web, ademais de descargar os libros, tamén hai unha ligazón ao proxecto da Real Academia Galega e Xunta de Galicia, "Galicia Nomeada", onde o SNL vai cargando cada microtopónimo nun mapa para a súa consulta pública.

Por último, e como resultado do traballo colaborativo entre os equipos de dinamización lingüística dos institutos de Redondela e o SNL, presentouse unha unidade didáctica. Esta proposta, dirixida aos cursos da ESO e Bacharelato, quere facer partícipe á comunidade escolar (alumnado, profesorado e familias) na toma de conciencia da importancia da toponimia, insistindo nesa liña de especial protección do patrimonio inmaterial.