Redondela tamén celebra o Día de restauración da memoria lingüística de Galicia

O goberno municipal, encabezado pola alcaldesa Digna Rivas e Concelleira de Normalización Lingüística, homenaxearon cunha placa na entrada do Cemiterio do Viso a todos e todas os que alí repousan. Digna Rivas sinalaba que “a maioría dos habitantes do Concello falan en galego, mais só o 2% das lápidas ou placas colocadas nos cementerios están na nosa lingua”, por este motivo, o Concello de Redondela animará cunha serie de iniciativas á utilización da lingua galega en lápidas e placas.

A placa foi colocada na entrada principal do Cemiterio do Viso, onde grazas á aportación do Párroco, Don Carlos, destaca de forma ben visible a lenda “O Barrio de Todos”, un xeito de lembrar a unión da parroquia do Viso e para que chame a atención de cantas persoas acuden diariamente a este recinto a rendir homenaxe aos seus difuntos, na memoria das persoas que xacen ahí, porque grazas a eles Galicia segue a ter cultura e lingua de seu.

Másnoticias

Detienen a un hombre tras provocarle una brecha en la cabeza a su pareja en Redondela

04/06/2023

GUÍA | Más de 15 fiestas y verbenas en Vigo y su área para vivir el mejor mes de junio de tu vida

03/06/2023

No acto oficial de apertura da placa no camposanto do Viso, Digna Rivas estivo acompañada polo párroco do Viso, Don Carlos, e por Xoxé González, que durante moitos anos foi o responsable da área de Normalización Lingüística de Redondela e que agora foi representando á Asociación de Funcionarios para a Normalización Lingüística de Galicia, e por suposto pola concelleira e concelleiros do equipo de Goberno Susana Couñago, Leonardo Cabaleiro e Daniel Boullosa, concelleiro de Cultura .

O Goberno Municipal e os funcionarios de normalización lingüística fan un chamamento á ciudadanía a empregan con normalidade en tódolos ámbitos a lingua na que se manifiesta na intimidade familiar. “Compre que reaccionemos perante este feito anómalo e que mudemos vellos hábitos lingüísticos herdados que non son máis ca pouca autoestima polo propio, por aquilo que é patrimonio común de todos, o noso idioma. A lingua galega é o signo máis preclaro da nosa identidade. Este debe permanecer vivo nos ámbitos onde moura a memoria colectiva, sendo os cemiterios eses espazos singulares de recordo. Restaurar a memoria lingüística de Galicia é un obxectivo que debemos conseguir entre todos”, explicou a alcaldesa e concelleira de Normalización Lingüística.