Solicitan a paralización do recheo dun pantalán da dársena de Bouzas-Berbés en Vigo

Ecoloxistas en Acción denuncia a "inxustificada actuación" da Autoridade Portuaria de Vigo no pantalán número 2 da dársena de Bouzas-Berbés. Un novo recheo que ocupará 8.300 metros cadrados de lámina de auga e que sinalan que prexudicará seriamente á rexeneración natural do mar, afectando á pesca e marisqueo, ademais do seu impacto visual.

A organización ecoloxista apunta que xa se levan ocupados 3 millóns de metros cadrados da ría de Vigo mediante recheos e a Autoridade Portuaria pretende xustificar esta actuación por falta de espazo. Aseguran que a suposta falta de espazo non xustifica este novo recheo, xa que unha boa parte das instalacións portuarias están sendo utilizadas para almacenaxe ou outras actividades non propias da pesca. Para habilitar o espazo que se demanda é necesario o traslado destas actividades a outros espazos máis axeitados como a Plataforma Loxística de Salvaterra, parque empresarial do que é propietaria en parte a propia Autoridade Portuaria.

Másnoticias

El acusado de agredir sexualmente a un varón en Vigo dice que solo le quitó el móvil "inconscientemente"

04/04/2025

Detenido en Vigo un electricista y su expareja tras robar joyas en una casa en obras

04/04/2025

Ademais lembran que o Porto de Vigo ten a Delimitación do Espazo e Uso Portuario (DEUP) anulada xudicialmente e que a nova DEUP está aínda en estudo e sen resolver as multiples alegacións cursadas rexeitando novos recheos.

“Pedimos á Autoridade Portuaria de Vigo que se sume ao consenso da cidade de Vigo en contra de máis recheos e que desbote para sempre este tipo de obras tan prexudiciais para a nosa ría” solicita Javier Fernández, voceiro de Ecoloxistas en Acción Vigo.