Taller de cociña saudable para incorporar bos hábitos ás rutinas dos pacientes con inflamación intestinal

A Unidade de Enfermidade Inflamatoria Intestinal da Área Sanitaria de Vigo celebrou unha nova xornada de colaboración cos seus pacientes. Nesta ocasión, o tema para tratar foi a importancia da inxesta de determinados alimentos na evolución tanto da Enfermidade de Crohn como da Colite Ulcerosa, baixo o epígrafe “Dieta e nutrición na EII”. A xornada de colaboración cos pacientes alcanzou xa a súa terceira edición e na mesma abordáronse determinados aspectos relacionados cos hábitos dietéticos dos enfermos e a forma de melloralos na medida do posible.

A reunión complementarase cuns talleres de cociña saudable, desde hoxe e ata o xoves, na que se mostraron trucos para incorporar bos hábitos dietéticos ás rutinas diarias dos pacientes. “A dieta é un dos factores ambientais implicados na aparición da EII e é un dos aspectos que máis preocupa aos pacientes xa que pode influír na evolución da enfermidade”, explicou Vicent Hernández, facultativo da Unidade.

Másnoticias

Nuevo paso para que la futura senda peatonal y ciclista Vigo - Nigrán sea una realidad

05/06/2026

Centenares de personas marchan en Vigo para exigir medidas "valientes" en vivienda: "Cústanos a vida"

05/06/2026

Respecto ao desenvolvemento da enfermidade, observouse que comer unha elevada cantidade de graxa, ácidos graxos poliinsaturados e carnes asóciase cun maior risco de desenvolver unha Enfermidade de Crohn (EC) ou unha Colite Ulcerosa (CU), mentres que unha inxesta de elevada de verduras diminúe o risco de desenvolver unha CU.

A EII é unha enfermidade inflamatoria, que cursa con diarrea e malabsorción, polo que en fases de actividade pode levar a desnutrición. “Doutra banda, moitos pacientes refiren un empeoramento clínico con determinados alimentos, polo que poden desenvolver condutas de evitación, o que a longo prazo pode empeorar o seu estado nutricional”, subliñou Vicent Hernández.

Patróns dietéticos negativos

O doutor Hernández explicou que a enfermidade de Crohn e a Colite Ulcerosa son enfermidades inflamatorias intestinais (EII) crónicas de etioloxía descoñecida. Considérase que aparecen como resultado da interacción de factores xenéticos, inmunolóxicos e ambientais, que dan lugar a un proceso inflamatorio continuo. O aumento xeneralizado da incidencia descrito nos últimos 20-30 anos parece paralelo á expansión dun estilo vida “occidentalizado”, no que moitos dos aspectos relacionados coa “occidentalización” asociáronse ao risco de desenvolvemento de EII. En relación á evolución da enfermidade, aos poucos vaise coñecendo que determinados patróns dietéticos (similares aos implicados na aparición desta)/desta) poden ter un impacto negativo, e algunhas intervencións nutricionais demostraron ser útiles para controlar a enfermidade.

Por este motivo, cada vez máis nas Unidades de EII préstase unha especial atención á dieta dos pacientes, e búscase a colaboración entre diferentes profesionais neste campo para conseguir un mellor control da enfermidade e recuperar o seu impacto no estado nutricional dos doentes.