Tomiño traballa na creación dun novo espazo verde na zona da Atalaia

O Concello de Tomiño atópase nun proceso de rexeneración vexetal da zona boscosa da Atalaia, próxima á Ponte da Amizade, e de gran valor medio ambiental, incluída dentro da Rede Natura 2.000. Tanto o Concello coma a familia do pintor Xavier Pousa -propietaria dunha parte dos terreos- promoveron nos últimos anos a corta de grandes eucaliptos e a posterior eliminación dos rebrotes. Ambas vontades conflúen nun proxecto para erradicar especies invasoras como “eucaliptos comúns”, “acacias negras” (ou australias) e outras plantas exóticas, coma a “Herba da Fortuna”, “tintureira” ou “falsos bambús”, que poñen en perigo a recuperación das plantas autóctonas do estrato herbáceo dos bosques nativos.

Nesta zona, mantense unha ruta con sinalización de plantas características do bosque de ribeira, como as carballeiras galaico-portuguesas que se mantiveron na Atalaia. Tamén levouse a cabo a plantación de especies típicas coma “érbedo”, “carballo”, “abeleira”, “pradairo”, “soldaconsolda”, etcétera.

Másnoticias

Sesión vermú, venta de productos y degustaciones en la nueva Feira de Produtos de O Rosal

18/09/2025

Así es el innovador edificio que inaugurará Tomiño pionero por su diseño y proyecto social

18/09/2025

Xurxo Mouriño, biólogo da empresa Arcea, contratada para dirixir as tarefas, explica que só no derradeiro ano, elimináronse máis de 1.500 “eucaliptos” e 400 rebrotes; 3.100 exemplares de “Herba tintureira” e 700 metros cadradados de “Herba da fortuna”; 300 de “acacia negra” e 260 de “camiceira”. “Hai tres anos isto era un eucaliptal; na actualidade queda aínda un cuarto do que había inicialmente. Facemos quendas periódicas de traballo para controlar os rebrotes. A idea do Concello é a de crear un espazo verde para a cidadanía”, comenta o experto.

Varias veces ao ano, a Concellaría de Medio Ambiente do Concello tomiñés, que na actualidade dirixe Ana Belén Casaleiro, organiza quendas de limpeza, botando man tamén de persoas voluntarias da OMIX e doutras entidades sen fins de lucro, coma a Comunidade Terapéutica Alborada, con sede en Piñeiro (Tomiño), ou Avelaíña da Guarda. Precisamente esta semana tivo lugar unha desas saídas, nas que se traballou intensamente para manter a raia a vexetación invasora; especialmente a “Herba da fortuna”, planta de orixe sudamericano, introducida no seu momento coma especie ornamental.