Unha “biblioteca móbil” en Vigo para levar a lectura a todos os barrios

O BNG vigués propón a creación dunha “biblioteca móbil” para promover a lectura e levar a cultura a todos os barrios e todas as parroquias de Vigo. A medida adoptase ante “a falta de vontade política do goberno local de poñer en marcha a Rede municipal de bibliotecas”, unha rede na que a fronte nacionalista destaca que eles mesmos iniciaron coa apertura da Biblioteca Neira Vilas.

O portavoz do BNG no Concello, Xabier Pérez Igrexas, anunciou esta proposta fai unhas semanas ao mesmo tempo que criticou que se estean a anunciar como bibliotecas espazos que son salas de lectura. “A inauguración da sala de lectura de Navia é máis unha oportunidade para seguir a desenvolver a rede municipal de bibliotecas que o Bloque quixemos iniciar coa biblioteca Neira Vilas no Calvario”, explicou. Igrexas cargou contra a difusión interesada que se está a facer por parte do Concello entre bibliotecas e salas de lectura afirmando que “o que hai en Navia é un espazo moi diáfano pero que só está dotado de mesas e cadeiras, cero libros e cero persoas bibliotecario, e cero oportunidades, polo tanto, de que nese barrio se promova a lectura para democratizar o acceso á cultura precisamente a través dos libros”.

Másnoticias

Vigo ya tiene su primer gran concierto del otoño, James Rhodes vuelve a la urbe atlántica

03/09/2025

Ya es oficial el aterrizaje de una marca nacional en pleno centro de Vigo con una nueva tienda

03/09/2025

O edil nacionalista tamén referiu a pérdida que supuxo suprimir a biblioteca coa que fora deseñada a recuperación da Casa do Patín de Bouzas e que foi substituída, como no caso de Navia, por apenas unha sala de lectura, e a desaparición do programa estival “Os Libros ao Sol” que consistía na instalación dunha biblioteca no paseo da praia de Samil.

O BNG aposta por “potenciar de verdade o acceso ao libro” a para iso propoñen como “medida complementaria e, sobre todo, como paliativo diante deste deliberado desinterese polo libro do actual Concello, que se poña en marcha unha biblioteca municipal móbil”. Este servizo podería funcionar sobre unha “biblio-furgoneta” como a que xa existen noutras cidades a nivel internacional, e debería depender da Biblioteca Neira Vilas. A idea sería que este espazo percorrese os diferentes barrios e parroquias da cidade, aproveitando a celebración de feiras e mercados ou outros eventos públicos.

Con esta proposta, Igrexas subliña que as nacionalistas queren “combater a política de desertización cultural que practica o Concello de Vigo e que ten no desprezo ao libro e á lectura o seu síntoma máis preocupante”.