Unha nova vida para a vella estación de autobuses de Vigo

Vigo camiña cara unha renovación das súas infraestruturas de transporte. Nos últimos días, fíxose pública a adxudicación das obras da construción da nova terminal de buses na estación intermodal de Urzáiz. O BNG de Vigo propón que dende a Corporación local débese comezar a planificar o uso que se lle dará á vella estación da Avenida de Madrid. Neste senso, o concelleiro electo, Xabier Pérez Igrexas, reclamou que o Concello tome a iniciativa consensuando co tecido asociativo da contorna unha proposta de uso.

Igrexas considera que será de grande utilidade empregar a superficie agora dedicada a cocheira e dársenas da vella estación como aparcamento disuasorio nun dos principais accesos por estrada á cidade. Para iso, o nacionalista demanda que se despregue unha conexión directa por bus urbano entre esa estación e a Praza de España, a xeito de lanzadeira. Esta medida, tal e como apunta Igrexas, permitiría reducir o número de vehículos que circulan no casco urbano, nunha cidade que cada día recibe máis de 90 mil coches.

Másnoticias

Ponen al Álvaro Cunqueiro como ejemplo de excelencia al abordar patologías neurovasculares

17/09/2025

Arrancan en Vigo las obras para crear la nueva grada del Parque Nelson Mandela

17/09/2025

A superficie do primeiro andar, actualmente dedicada a servizos da estación e billeteira, a fronte nacionalista cre que debe ter un uso social e comunitario. Pérez Igrexas demandou que o Concello elabore unha proposta recollendo o parecer do movemento veciñal da contorna, especialmente do Calvario, da Dobrada e de San Roque, pola súa proximidade. “Nós advertimos xa de entrada que o que non necesita esta zona é máis superficie comercial, máis tendas, senón que se deba aproveitar ese espazo para atallar o déficit de dotación de tipo veciñal e sociocultural nunha contorna que non ten ningún centro cívico”, afirmou o edil electo.

O BNG descarta, polo tanto, a opción de manter unha dupla estación de buses, lembrando os problema que xa está a xerar a “anomalía” de dispor na cidade a existencia de dúas estacións de tren que fican sen unha lanzadeira que as conecte.