O FICBUEU vai quentando motores de cara a súa próxima edición. Quedan xa menos de dous meses e este xoves 19 de xullo, o festival de cine morracense anunciaba a súa nova imaxe. O evento introduce ao espectador nun cuarto de estar moi especial. Aínda que só a intuimos, a pantalla na que adoitamos ver as películas e o sofá no que as compartimos trasládase a Cabo Udra, un lugar emblemático coa Illa de Ons ao fondo.
A intención desta nova imaxe de FICBUEU 2018 é xogar non só cos límites do espazo interior e exterior, descontextualizando os elementos, senón tamén co contraste de cores, a luz e a perspectiva, sen esquecer á angora San Martiño como obxectivo identificador. A finalidade e dar a entender que Bueu se converterá no mellor salón para gozar do bo cine entre os días 7 e 15 de setembro, datas nas que se celebra a nova edición do Festival Internacional de Curtametraxes de Bueu (FICBUEU).
Por outra banda, o Festival Internacional de Curtametraxes de Bueu bateu este ano a súa propia marca coa recepción de 2.202 filmes, chegados dun cento de países dos cinco continentes.
Un ano máis, Francia volve copar a cuarta parte das obras enviadas, non só polo dinamismo do cinema galo senón probablemente tamén pola participación dunha delegación do FICBueu no prestixioso Festival de Curtametraxes de Clermont-Ferrand. España é o segundo país máis representado, con 256 filmes, seguido, aínda que con menos da metade, por Alemaña, Brasil, Bélxica, Italia e Rusia. Cómpre salientar tamén algúns envíos de lugares tan remotos coma Swazilandia, Singapur, Illa Mauricio, Moldavia ou Kirguistán.
Cómpre apuntar tamén o lento pero constante incremento de curtas dirixidas por mulleres, que se sitúan no 32%. Por outra parte, no 34% dos casos tratábase de óperas primas das e dos cineastas. En canto aos xéneros, segue a predominar a ficción e os contidos adoitan ser un reflexo da realidade, destacando as temáticas sociais. O equipo de selección do FICBueu 2018 continuará nas próximas semanas co visionado das curtas remitidas e o 15 de maio daranse a coñecer os títulos que finalmente se proxectarán durante o certame.
En canto os concertos, o FICBUEU 2018 contará coa presenza de artistas galegos contrastados como Xoel López ou o grupo De Vacas.
El Tribunal Supremo rebaja la condena a la extesorera de Audasa. Pasa de seis años y cinco meses a cuatro años de cárcel
La investigación comenzó tras varias informaciones que apuntaban a que una persona se dedicaba a la venta de estupefacientes
Se ha confirmado que se trataba de un vecino de Cangas conocido como 'Panu', y que ha sido incinerado este martes en el concello morracense
El presidente gallego ha ha defendido que un cambio de Gobierno "podría solucionar" muchos de los problemas actuales
El vigués Jorge Lens, premiado en un certamen de fotografía urbano promovido por PhotoEspaña. En una convocatoria cerca de 2.500 imágenes
No hay eventos
Puedes encontrarnos en nuestras redes sociales o, si lo prefieres, ponerte en contacto con nosotros a través de [email protected]
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL