Mos xunta a nenos con maiores tras un ano de mensaxes por carta

Depois de máis dun ano carteándose, pequenos de 5º e 6º de Primaria do CEIP de Atín e maiores usuários de AFAGA puideron coñecerse en persoa, e intercambiar en man a última carta antes das vacacións escolares de verán. A alcaldesa de Mos, Nidia Arévalo, e o presidente de AFAGA, Juan Carlos Rodríguez, xunto coa coordinadora do Centro de Día de Mos, Diana Rodríguez, asistiron esta mañá ao acto celebrado no Centro Dotacional da Comunidade de Montes de Torroso de encontro entre os participantes do proxecto “Atinando Recordos”. Trátase dun proxecto posto em marcha o ano passado para estreitar lazos de unión entre nenos e maiores a través do envío de cartas.

Son un total de 41 alumnos os que contactan de forma mensual cos maiores de AFAGA, e a través das cartas foronse coñecendo e construíndo lazos de unión. Esta actividade buscou traballar aspectos tan importantes como a empatía, o cariño ou respecto entre as distintas xeracións. O CEIP de Atín conta cun buzón no centro para darlle visibilidade ao proxecto e para que o alumnado poida depositar e recoller as súas cartas. As mestras de 5º e 6º de Primaria responsables de este proxecto son Joana e Fani.

Másnoticias

Mos abre su piscina al aire libre con acceso gratis para vencer a las altas temperaturas

01/07/2025

O Porriño lanza su propia línea de bus para disfrutar de la playa durante el verano

30/06/2025

Esta iniciativa ten dous obxectivos principais: fomentar a estimulación cognitiva das persoas que teñen alzhéimer ou outra demencia, e estreitar lazos de unión entre nenos e maiores, fomentando valores como o respecto e o agarimo cara aos avós e avoas. Os usuarios e usuarias que participan neste proxecto son as persoas que reciben estimulación nos centros de AFAGA. Cada maior ten asignado un alumno ou alumna do colexio de Atín, e entre eles se cartean, é dicir, sempre é o mesmo neno/a que escribe a un mesmo avó/a e viceversa. Desta forma hai continuidade nas historias e mellores resultados a nivel terapéutico.

Diana Rodríguez, traballadora social de Afaga e coordinadora do proxecto, explica que “a través das cartas, os maiores esfórzanse por atopar na súa memoria eses recordos pasados, esas anécdotas, os xogos, as tradicións, para poder contarllas ao seu alumno ou alumna. Así traballan a memoria e sérvelles de estimulación cognitiva e funcional, xa que son eles mesmos quen escribe as cartas a man”.

Pola súa banda, Joana Pereiro, profesora de quinto de Primaria e responsable do proxecto por parte do CEIP, sinala que a finalidade é “poñer en valor aos nosos maiores, facendo que os alumnos se interesen por coñecer o seu pasado achegándoos así ás nosas tradicións. Os nenos poderán aprender como xogaban antigamente, como era o ensino, as festas, mesmo o seu propio pobo. Cremos que é importante unir a estas dúas xeracións, e xa que o momento actual obrigounos a distanciarnos fisicamente, isto é unha forma de poder achegalos. Ademais, con este proxecto poñemos en marcha un costume cada vez máis en desuso, comunicarse por carta, a emoción de escribilas e recibilas”.

Tanto os nenos e nenas como os maiores mostráronse moi emocionados no intercambio en persoa de hoxe, que esperaban con entusiasmo, xa que puideron coñecer en persoa ao seu amigo ou amiga por correspondencia.