Achegar a Moaña de hoxe aos veciños e veciñas que tiveron que abandonar a súa terra pola emigración pero tamén amosar a súa beleza a turistas. Con este obxectivo, Miguel Iglesias, veciño afeccionado á fotografía e ao vídeo, decidiu gravar diferentes escenas e paisaxes do municipio do Morrazo nun vídeo publicado en redes sociais que acumula xa milleiros de reproducións e que foi compartido centos de veces.
Coa música do gaiteiro tamén moañés Anxo Lorenzo, e voz de Coral Ríos para interpretar un poema de Luis Chapela, a montaxe final lévanos a vista de paxaro á Moaña mariñeira, máis tamén a rural, a das néboas e a dos ceos azuis, nun proxecto colaborativo e sen ánimo de lucro co único obxectivo de promocionar o municipio.
Nos cinco minutos de duración, pódese observar dende o complexo de ocio de O Beque ao Río da Fraga pasando polas áreas rurais, o barrio de San Martiño, Os Remedios, o paseo marítimo, o Monte Faro, o Porto da Pasaxe, A Fraga, Pozonegro, San Bartolomeu, A Borna, O Con ou Meira.
O estudo liderado por investigadores da UVigo, xunto con outras universidades, ofrece "novas pistas sobre as orixes dinosauranas das aves"
Puedes encontrarnos en nuestras redes sociales o, si lo prefieres, ponerte en contacto con nosotros a través de contacto@metropolitano.gal
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL