Teatro infantil, cine documental e debates para un mes "medioambiental" en Tui

Tui celebra o Día Mundial de Medio Ambiente, que ten lugar este sábado 5 de xuño, cun programa de actividades que comezou este venres e se vai desenvolver até o sábado 19 de xuño.

O próximo venres, 11 de xuño, ás 16:30 horas, na Sala Municipal de Exposicións será inaugurada a mostra “Adaptación: a outra cara do cambio climático” do Centro Nacional de Educación Ambiental, CENEAM. Ás 17:00 horas no anexo desta sala haberá unha obra de teatro de monicreques para público infantil. “Títeres en Tu casa” representará “Operación Plancton” na que un biólogo mariño e o seu axudante investigan coma afectan os plásticos no mar aos animais mariños.

Másnoticias

Hallan un cuerpo sin vida colgado de un árbol en la zona de Montero Ríos de Pontevedra

28/10/2025

Más de 5.300 personas disfrutaron del veganismo en Vigo en la feria Vegana.gal

27/10/2025

“Enerxía e Clima” é o título das seguintes actividades previstas tamén na Sala Municipal de Exposicións dende ás 19:00 horas. Está prevista a charla obradoiro “Impactos do modelo enerxético. Factura Eléctrica” e proxectarase o documental “We the power” sobre o movemento comunitario enerxético liderado por cidadáns en Europa.

O sábado, 19 de xuño, de 11:00 a 14:00 horas está prevista a actividade “O monte en man común, xestión forestal e legado histórico” na Sala Municipal de Exposición. Comezará coa proxección do documental “En todas as mans” e ás 13:00 terá lugar a charla-debate sobre as comunidades de montes e xestións dos recursos forestais coa intervención de persoas e entidades que participaron no documental xunto a representantes de comunidade de montes e persoas ligadas á xestión forestal.

Amais, o Concello de Tui está a traballar coa Sociedade Galega de Historia Natural nun proxecto para pór en valor o patrimonio natural e etnográfico da contorna realizando diversas actividades coma o proxecto de restauración ecolóxica dun ecosistema degrado.