O Rosal acollerá os vindeiros venres 17 e sábado 18 de setembro as súas primeiras Xornadas de Cine. Un proxecto que naceu a proposta de Xoán Gándara e que está organizado por el mesmo e pola Concellería de Cultura que ten por obxectivo achegar ao público rosaleiro unha oferta cinematográfica difícil de atopar nos circuítos habituais. Ademais, a iniciativa conta tamén coa colaboración de dous realizadores vinculados por motivos persoais e familiares ás Eiras, como son Sonia Méndez, directora do documental ‘A poeta analfabeta’, e Gon Caride, que ven de obter dous premios pola súa película ‘Deux Options’ na última edición do Festival de Cans.
Nesta primeira edición proxectaranse dous documentais e tres curtametraxes creados por realizadoras e realizadores galegos, como a viguesa Noemí Chantada, a guardesa Arancha Brandón, o tudense Víctor Coyote, a propia Sonia Méndez e o Grupo San Roquiño, de Goián. Todas e todos eles estarán presentes na proxección dos seus traballos, o que vai permitir aos asistentes participar nun coloquio no que se poderá falar sobre os filmes en particular ou sobre o cine galego en xeral.
O programa arrancará o venres 17 ás 20:30 horas coa proxección da curta do Grupo San Roquiño ‘O Coidado Nato’ e ‘A Poeta Analfabeta’, dirixida por Sonia Méndez. Xa o sábado 18, a partir das 20:30 horas poderá verse ‘A Typical Morning’, unha curta dirixida por Arancha Brandón; ‘Xoves de Comadres’, de Noemí Chantada; e ‘Os Traballadores do Contrabando’, un documental de Víctor Coyote.
As proxeccións terán lugar nos xardíns da Abadía das Eiras con entrada gratuíta ata completar aforo. En caso de chuvia, a actividade trasladarase ao Auditorio Municipal. Dende a organización destas I Xornadas de Cine do Rosal quérese facer un agradecemento especialmente aos propietarios da casa rural da Adabía das Eiras “pola súa disposición e facer posible a celebración destas primeiras xornadas neste fermoso espazo”, como salientou o concelleiro de Cultura, Carlos Villanueva.
Xerais celebrará unha festa de entrega dos premios no outono, cando os libros xa estean en librarías. O acto terá lugar en Vigo
El Festival de Cans arranca este martes con la proyección de la nueva película de Julio Medem y el homenaje a Celso Bugallo
Del cineasta icónico Julio Medem al adiós de Siniestro Total, así es la programación del Festival de Cans que se celebra en O Porriño
El escritor vigués publica a finales de mes una nueva novela, "Chantaje". Sigue la trama de Axel, un policía de Vigo, y su compañera Loor
¿Puede la actividad física en entornos forestales ayudar a regular el sistema nerviosos autónomo y tener efectos en estados de estrés?
No hay eventos
Puedes encontrarnos en nuestras redes sociales o, si lo prefieres, ponerte en contacto con nosotros a través de [email protected]
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL