Guadi Galego publica o seu novo disco en solitario, "Costuras"

Guadi Galego publica o seu quinto disco en solitario, "Costuras". A autora, galardoada no 2019 co Premio á Promoción da Realidade Plurilingüe polo seu último traballo "Inmersión", confirma o momento creativo no que se atopa e reafirma o seu xeito de dicir.

Dez cancións de Guadi Galego e Carlos Abal que viaxan desde mundos asociados á súa infancia ata o presente máis duro e á vez esperanzador, onde a autora amosase tal como é. Tres colaboracións compoñen o disco, dúas poetas Antía Otero e Marina Oural e unha cantante, a catalá Paula Grande.

Másnoticias

El poder de Borja Iglesias DJ, la canción que cantó en la celebración del Mundial dispara sus escuchas

23/07/2026

Vuelve el mejor rock al área de Vigo con conciertos gratis, desvelado el cartel del Berete Rock

23/07/2026

A produción musical, a cargo de Olivera Estudi, dá un novo aspecto ás creacións de Guadi, entrando en campos electrónicos, sen esquecer a parte máis orgánica, creando texturas únicas dentro do pop.

"Costuras" publícase nun orixinal "Digipack", a portada contén unha obra do pintor Ricardo de Barreiro que cada persoa descobre rascando a superficie gris. Un bo xogo que invita ao comprador do álbum a crear a súa propia versión da mesma. "Costuras" tamén está dispoñible en plataformas dixitais.