Jorge Coira recibirá o Premio Pedigree de Honra do Festival de Cans

A asemblea da Asociación Cultural Arela, que organiza o Festival de Cans, acordou conceder a distinción de Honra do certame o Premio Pedigree, ao director lucense Jorge Coira (Rábade, 1971). A organización do certamen considera a Jorge Coira como unha figura fundamental no desenvolvimento do audiovisual galego nos últimos vintecinco anos. Coira recibirá o Can de Pedra e colocará a súa estrela no Torreiro das estrelas no marco do XVIII Festival de Cans, que terá lugar entre o 1 e o 4 de Setembro.

Desde mediados dos anos 90, Coira desenvolveu unha intensa carreira, primeiro como curtametraxista, e posteriormente como guionista, montador,e director de series de televisión e longametraxes, na maior parte dos casos desenvolvendo uns códigos cinematográficos en clave galega.

Másnoticias

O Porriño anuncia su mayor senda ciclista que incluirá una demanda histórica para el tráfico

16/08/2025

O Porriño y el Círculo de Bellas Artes visibilizan en una plataforma web el legado de Antonio Palacios

15/08/2025

Desde que comezara hai 25 anos dirixindo unha curta emblemática como “O Matachín”, protagonizada por Luís Tosar, Coira continuou asinando longametraxes como as premiadas “18 Comidas” e mais recentemente “Eroski Paraíso”, que co- dirixiu xunto a Xesús Ron, ademais de dirixir a exitosa serie “Hierro”, que recibiu numerosos premios, entre eles o Premio Ondas á mellor serie de televisión. En paralelo, Jorge Coira desenvolveu unha reputada carreira como montador, que o levou a conseguir en 2016 o Premio Goya ó mellor montaxe, polo filme “El Desconocido”, dirixido por Dani de la Torre.

O Festival de Cans quere recoñecer tamén con este premio a Jorge Coira, a súa traxectoria e implicación nas asociacións profesionais galegas, a través de entidades como a Academia Galega do Audiovisual ou CREA, a Asociación de Realizadoras e realizadores galegos, da que foi presidente e desde a que impulsou no seu día un acordo de colaboración co Festival de Cans.

A importancia da figura de Jorge Coira

O Festival de Cans concede este ano o seu Premio Pedigree de Honor ó director, montador e guionista Jorge Coira por ser unha figura imprescindible na evolución do audiovisual galego nas últimas tres décadas.

Coira comezou a finais dos 80 realizando as súas curtametraxes con Luis Tosar como protagonista, e desde entón completou unha dilatada traxectoria na que dirixiu catro longametraxes, numerosas series de televisión -entre as que está a exitosa “Hierro”- videocreacións, videoclips e ata teatro. Ademáis foi montador de varios fillmes, entre eles “El Desconocido” de Dani de la Torre, polo que recibiu o Premio Goya á mellor montaxe.

En 2004 comezou a súa traxectoria como cineasta co filme “El año de la garrapata”, que foi seleccionado no Festival de Málaga. En 2009 dirixiu o documental “¿Que culpa tiene el tomate?”, que chegou a estrearse no MOMA de Nova York. “18 comidas” (2010), foi o seu filme mais persoal e que máis éxitos colleitou, estando presente en mais de trinta festivais internacionais e recomendo mais de dez premios. Por último “Eroski Paraíso” (2019), é a súa última e singular incursión no mundo da longametraxe, donde este verán rodará o seu novo filme, “Proyecto Emperador”, producido por Vaca Films e que suporá volver a atoparse co seu amigo das primeiras curtas, Luís Tosar.

O Premio de Honor a Jorge Coira representa tamén un premio moi simbólico no ano no que se cumplen 30 anos da fundación da Escola de Imaxe e Son de A Coruña, onde se formou tanto Jorge Coira, como numerosos profesionais galegos.